ဂျူဗင်တပ်စ်အသင်း၏ ဝင်ငွေရရှိမှု မြင့်တက်လာခြင်းမှာ ပြီးခဲ့သည့်နှစ် နွေရာသီတွင် ပေါ်တူဂီလက်ရွေးစင် အသင်းခေါင်းဆောင် စီရော်နယ်လ်ဒိုကို ရီးယဲလ်အသင်းထံမှ ကလပ်စံချိန်တင်ပြောင်းရွှေ့ကြေး ယူရို ၁၁၂ သန်းဖြင့် ခေါ်ယူခဲ့ခြင်းနှင့်ဆက်စပ်နေပြီး ၎င်းရောက်ရှိလာပြီးနောက် ကွင်းအတွင်းကြည့်ရှုသည့်ပရိသတ် ပိုများလာသလို အမှတ်တရပစ္စည်း ရောင်းချရမှုနှင့် ရှယ်ယာစျေးနှုန်းမှာလည်း မြင့်တက်လာကြောင်း သိရသည်။
စီးရီးအေချန်ပီယံ ဂျူဗင်တပ်စ် အသင်းသည် ၂၀၁၈-၂၀၁၉ ရာသီတွင် ကဏ္ဍအသီးသီးမှ ဝင်ငွေ ယူရို သန်း ၆၀၀ ကျော်ရရှိခဲ့သော်လည်း စံချိန်တင်အဖြစ် ယူရို ၃၉. ၉ သန်းအထိ အရှုံးပေါ်ခဲ့ကြောင်း သိရသည်။
၂၀၁၈-၂၀၁၉ ရာသီအတွက် ဘဏ္ဍာရေးစစ်တမ်းတွင် ဂျူဗင်တပ်စ်အသင်း၏ ကဏ္ဍအသီးသီးမှ ဝင်ငွေမှာ ယူရို ၆၂၁. ၅ သန်း ရှိကြောင်း သိရသည်။ ယင်းပမာဏ မှာ ၂၀၁၇-၂၀၁၈ ရာသီဝင်ငွေထက် ၂၃ ရာခိုင်နှုန်း မြင့်တက်လာခြင်းဖြစ် ပြီး စုစုပေါင်း ယူရို ၁၁၆. ၈ သန်းအထိ မြင့်တက်လာသည်။
ဂျူဗင်တပ်စ်အသင်း၏ ဝင်ငွေရရှိမှု မြင့်တက်လာခြင်းမှာ ပြီးခဲ့သည့်နှစ် နွေရာသီတွင် ပေါ်တူဂီလက်ရွေးစင် အသင်းခေါင်းဆောင် စီရော်နယ်လ်ဒိုကို ရီးယဲလ်အသင်းထံမှ ကလပ်စံချိန်တင်ပြောင်းရွှေ့ကြေး ယူရို ၁၁၂ သန်းဖြင့် ခေါ်ယူခဲ့ခြင်းနှင့်ဆက်စပ်နေပြီး ၎င်းရောက်ရှိလာပြီးနောက် ကွင်းအတွင်းကြည့်ရှုသည့်ပရိသတ် ပိုများလာသလို အမှတ်တရပစ္စည်း ရောင်းချရမှုနှင့် ရှယ်ယာစျေးနှုန်းမှာလည်း မြင့်တက်လာကြောင်း သိရသည်။
သို့သော် ဝင်ငွေလည်ပတ်မှု အရှုံးပမာဏမှာလည်း ယခင်ရာသီထက် နှစ်ဆနီးပါးမြင့်တက်လာပြီး ၂၀၁၇-၂၀၁၈ ရာသီတွင် ယူရို ၂၀. ၇ သန်း အရှုံးပေါ်ရာမှ ၂၀၁၈- ၂၀၁၉ ရာသီတွင် ယူရို ၃၉. ၉ သန်းအထိ မြင့်တက်လာခြင်းဖြစ် သည်။ ယင်းကဲ့သို့ အရှုံးပေါ်ခြင်းမှာ ကစားသမားများအတွက် ပေးချေရသည့် လစာအသုံးစရိတ်မြင့်တက်လာခြင်း၊ ချန်ပီယံလိဂ်နှင့် ကိုပါအီတာလီယာဖလားပြိုင်ပွဲတွင် အောင်မြင်မှုမရဘဲ ကွာတားဖိုင်နယ်အဆင့်မှ ထွက်ခွာရသဖြင့် ဆုကြေးရရှိမှုနှင့် ရုပ်သံထုတ်လွှင့်ခွင့်ဝင်ငွေ လျော့ကျသွားခြင်းတို့ကြောင့်ဖြစ်သည်။
ဂျူဗင်တပ်စ်အသင်းသည် ယခု နှစ်နွေရာသီတွင်လည်း နယ်သာလန် နောက်ခံလူ ဒီလစ်ကို ယူရို ၇၅ သန်း၊ မန်စီးတီးနောက်ခံလူ ဒန်နီလိုကို ယူရို ၃၇ သန်း (ကန်ဆယ်လိုနှင့်အလဲ အထပ်)၊ ဆာဆူအိုလိုနောက်ခံလူ ဒီမာရယ်လ်ကို ယူရို ၁၈ သန်းဖြင့် ခေါ်ယူထားသလို ရမ်ဆေး၊ ရာဘီယူ၊ ဘူဖွန်တို့ကို ပြောင်းရွှေ့ကြေးအလွတ် ဖြင့် ခေါ်ယူထားသောကြောင့် လစာစရိတ် ပိုမိုမြင့်တက်လာဖွယ်ရှိသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
