Top News

လီယာအိုအား ခေါ်ယူရန် ဘာစီလိုနာအသင်း စိတ်ဝင်စား

24htopnews | October 31, 2024 8:12 PM CST

ဘာစီလိုနာအသင်းသည် အေစီမီလန်တောင်ပံကစားသမား လီယာအိုအား ခေါ်ယူရန် စိတ်ဝင်စားနေကြောင်း သိရသည်။

လီယာအို (၂၅ နှစ်)သည် ယခုရာသီ အေစီမီလန်အသင်းတွင် ခြေစွမ်းပြနိုင်ရန် ရုန်းကန်နေရပြီး ပြိုင်ပွဲစုံ (၁၁) ပွဲတွင် (၁) ဂိုးသာ သွင်းယူထားနိုင်သေးသည်။

ဘာစီလိုနာအသင်းသည် အသင်း၏ဘယ်တောင်ပံတိုက်စစ်အတွက် ဘီလ်ဘာအိုလူငယ်တိုက်စစ်ကစားသမား နီကိုဝီလီယံစ်အား ခေါ်ယူလိုနေသော်လည်း အဆင်မပြေပါက လီယာအိုအား ပြောင်းလဲခေါ်ယူရန် စိတ်ဝင်စားလာခြင်း ဖြစ် သည်။

လီယာအိုသည် အေစီမီလန်အသင်းနှင့် ၂၀၂၈ ခုနှစ်အထိ စာချုပ်သက်တမ်းရှိနေသော်လည်း ခြေစွမ်းမပြနိုင်သည့်အတွက် ပြောင်းရွှေ့ကြေး ကျဆင်းလာကြောင်း သိရသည်။

ဘာစီလိုနာအသင်းတာဝန်ရှိသူများသည် လီယာအိုအား ခေါ်ယူရန် အရင်ကတည်းက စိတ်ဝင်စားနေကြပြီး ယခုအခါ ၎င်း၏အခြေအနေကို စောင့်ကြည့်နေကြကြောင်း သိရသည်။