ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့မှကြီးမှူး၍ (၁၃)ကြိမ်မြောက် စုပေါင်းမဟာဘုံကထိန်အလှူအား ယနေ့ အောက်တိုဘာ ၃၁ ရက်နံနက်ပိုင်းကကျင်းပခဲ့ကြောင်း သိရသည်။
ကထိန်အလှူပွဲ၌ နံနက်(၇)နာရီတွင် ရွှေတိဂုံစေတီတော် ရင်ပြင်တော်တောင်ဘက်မှ ဂေါပကအဖွဲ့ရုံး ဌာနကြီး(၁၀)ခုနှင့် ဗုဒ္ဓဝေယျာဝစ္စအသင်းများက ပဒေသာပင်များဖြင့် စေတီတော်မြတ်ကြီးအား လက်ျာရစ်တစ်ပတ်လှည့်လည်ပူဇော်ခဲ့ကြကြောင်း သိရသည်။
ထို့နောက် ရင်ပြင်တော် ရာဟုထောင့်၏ အောက်ပစ္စယာရှိ မဟာဗုဒ္ဓဝင်ပြခန်း၌ စုပေါင်းမဟာဘုံ ကထိန်အလှူအခမ်းအနားကိုကျင်းပခဲ့ပြီး ယခုနှစ်အတွက် ကထိန်အလှူခံယူတော်မူမည့် ရဟန္တာသိမ်တော်ကြီးကျောင်းတိုက်နှင့် ဝတ္ထုကံမြေအတွင်းရှိ ကျောင်းတိုက်(၁၃)တိုက်တို့အား ပဒေသာပင်များကို မဲနှိုက်ရွေးချယ်၍ ပို့ဆောင်လှူဒါန်းခဲ့ကြသည်။
(၁၃)ကြိမ်မြောက် စုပေါင်းမဟာဘုံကထိန်အခမ်းအနားတွင် ကထိန်အလှူတော်ခံယူသည့် ရဟန္တာသိမ်တော်ကြီးကျောင်းတိုက်သို့ ငွေကျပ် (၁၁၃၆၉၆၀၀)တန်ဖိုးရှိ ပဒေသာပင်များနှင့် ဝတ္ထုကံမြေအတွင်းရှိ ကျောင်းတိုက်(၁၃)ခုသို့ စုစုပေါင်း ငွေကျပ်(၁၄၀၈၇၃၀၀)တန်ဖိုးရှိ ပဒေသာပင်များကိုလှူဒါန်းခဲ့ကြကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
