PSG အသင်းသည် အသင်းတိုက်စစ်မှူး နေမာ အသင်းဟောင်း ဘာစီလိုနာအသင်းသို့ ပြန်လည်ပြောင်းရွှေ့ရန် ပြင်ဆင်နေမှုအား လက်ခံဖွယ်ရှိနေကြောင်း စပိန်အားကစားသတင်းစာ AS က ဖော်ပြခဲ့သည်။
PSG အသင်းသည် အသင်းတိုက်စစ်မှူး နေမာ အသင်းဟောင်း ဘာစီလိုနာအသင်းသို့ ပြန်လည်ပြောင်းရွှေ့ရန် ပြင်ဆင်နေမှုအား လက်ခံဖွယ်ရှိနေကြောင်း စပိန်အားကစားသတင်းစာ AS က ဖော်ပြခဲ့သည်။
အသက် (၂၈)နှစ်အရွယ်ရှိ ဘရာဇီးလ်တိုက်စစ်မှူး နေမာသည် ၂၀၁၇ နွေရာသီအပြောင်းအရွှေ့က ဘာစီလိုနာအသင်းမှ PSG အသင်းသို့ ကမ္ဘာ့စံချိန်တင်ပြောင်းရွှေ့ကြေး ယူရို (၂၂၂)သန်းဖြင့် ပြောင်းရွှေ့ခဲ့သူဖြစ်သည်။
သို့သော် နေမာအနေဖြင့် ပြီးခဲ့သည့်ရာသီကတည်းက PSG အသင်းတွင် မပျော်ရွှင်တော့ဟု သတင်းများဆက်တိုက်ထွက်ပေါ်ခဲ့ပြီး ဘာစီလိုနာအသင်းကလည်း နေမာအားပြန်လည်ခေါ်ယူရန် စိတ်ဝင်စားနေကြောင်း အတည်ပြုပြောကြားခဲ့ရာ နေမာ၏ အပြောင်းအရွှေ့သတင်းများမှာ ဆက်တိုက်ဆိုသလို ထွက်ပေါ်လာခဲ့ခြင်းဖြစ်သည်။
နေမာအနေဖြင့် ပြီးခဲ့သည့် ၂၀၁၉ နွေရာသီအပြောင်းအရွှေ့ကတည်းက ဘာစီလိုနာအသင်းသို့ ပြန်လည်ပြောင်းရွှေ့ရန် နီးစပ်မှုများရှိခဲ့သော်လည်း PSG အသင်းက ပိတ်ပင်ခဲ့သောကြောင့် အပြောင်းအရွှေ့ပျက်ပြယ်ခဲ့ခြင်းဖြစ်သည်။
နေမာအနေဖြင့် ပြီးခဲ့သည့်မတ်လအတွင်းက လာမည့်နွေရာသီအပြောင်းအရွှေ့ကာလတွင် ဘာစီလိုနာအသင်းသို့ ပြန်လည်ပြောင်းရွှေ့ခွင့်ရရန် အစွမ်းကုန်တိုက်ပွဲဝင်သွားမည် ဖြစ်ကြောင်း ဖွင့်ဟခဲ့သလို၊ PSG အသင်းကိုလည်း တောင်းဆိုသွားမည်ဖြစ်ကြောင်း ပြောကြားခဲ့သည်။
ထို့ကြောင့် PSG အသင်းအနေဖြင့် လက်ရှိအချိန်တွင် နေမာ၏ဆန္ဒပြင်းပြမှု ကြောင့် အပြောင်းအရွှေ့ကို လက်ခံဖွယ်ရှိနေကြောင်း စပိန် အခြေစိုက် အားကစားသတင်းစာ Marca က ဖော်ပြခဲ့သည်။
ဘာစီလိုနာအသင်းအနေဖြင့်လည်း ပြီးခဲ့သည့်နွေရာသီ အပြောင်းအရွှေ့ကတည်းက နေမာအားခေါ်ယူရန် ကြိုးစားခဲ့ပြီး လာမည့်နွေရာသီအပြောင်းအရွှေ့တွင် အရခေါ်ယူဖွယ်ရှိနေသည်ဟု စပိန်မီဒီယာများက ဖော်ပြခဲ့ကြသည်။
ဘာစီလိုနာအသင်းခေါင်းဆောင် မက်ဆီ၊ အားကစားဒါရိုက်တာ အဘီဒယ်လ်တို့ကလည်း နေမာအား ဘာစီလိုနာအသင်းသို့ ပြန်လည်ပြောင်းရွှေ့စေရန် ဆန္ဒရှိနေသည်။
နေမာသည် ဘာစီလိုနာအသင်းတွင် ၂၀၁၃-၁၄ ရာသီမှ ၂၀၁၆-၁၇ ရာသီအထိ (၄)ရာသီကြာကစားခဲ့ပြီး အသင်းအတွက်ပြိုင်ပွဲစုံ (၁၈၆)ပွဲ ကစားရာတွင် (၁၀၅)ဂိုးအထိ သွင်းယူပေးခဲ့သည်။ ထို့ပြင် နေမာအနေဖြင့် ဘာစီလိုနာအသင်းတွင် မက်ဆီ၊ ဆွာရက်ဇ် တို့နှင့်တွဲဖက်ကာ PSG တိုက်စစ်အဖြစ် အကောင်းဆုံးခြေစွမ်းပြနိုင်ခဲ့သူဖြစ်သည်။ နေမာသည် PSG အသင်းအတွက် (၃)ရာသီအတွင်း ပြိုင်ပွဲစုံ (၈၀)ပွဲကစားပေးထားပြီး (၆၉)ဂိုး အထိ သွင်းယူပေးထားနိုင်သူဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
