Top News

မကွေးတိုုင်းဒေသကြီး ချောက်မြို့ အမှတ် ၁၀ ရပ်ကွက် မဟာစည်ရိပ်သာ Quarantine စင်တာတွင်  Quarantine ဝင်နေသည့် အမျိုးသားတစ်ဦးသည် အောက်တိုုဘာ ၁၁ ရက် ည ၁၁ နာရီကျော်ခန့်က သူ၏ရည်းစားနှင့်တွေ့ရန် Quarantine စင်တာအပြင်သိုု့ ထွက်ခဲ့သောကြောင့် သဘာဝဘေးအန္တရာယ် စီမံခန့်ခွဲမှုဥပဒေ ပုုဒ်မ ၂၅ ဖြင့် အမှုဖွင့်ခံထားရကြောင်း ချောက်မြို့နယ် ပြည်သူ့ကျန်းမာရေးဦးစီးဌာန ဒေါက်တာ မျိုးသက်ဦးထံမှ သိရသည်။

အဆိုုပါအမျိုးသားသည် ရန်ကုုန်မှ ချောက်မြို့သိုု့ ပြန်လာသူ ဖြစ်သောကြောင့် Quarantine ဝင်ခဲ့ရကြောင်း၊ ယင်းသိုု့ Quarantine ဝင်နေချိန်တွင် သူ၏ရည်းစားနှင့်တွေ့ရန် အပြင်သိုု့ထွက်ခဲ့သည်ကိုု ယင်းစင်တာတွင် တာဝန်ကျသည့် လုုံခြုံရေးဝန်ထမ်းများက တွေ့ရှိခဲ့သောကြောင့် ချောက်မြို့ မြို့မရဲစခန်းတွင် အမှုဖွင့်ခံခဲ့ရခြင်း ဖြစ်ကြောင်း သိရသည်။

“လူတွေ အန္တရာယ်မဖြစ်အောင် သီးခြားခွဲထားတာမှာ သီးခြားခွဲထားသူက လူတွေနဲ့ ထိတွေ့ဖိုု့ ကျူးလွန်ဖောက်ဖျက်တာဆိုုတော့ ဥပဒေကြောင်းအရ အရေးယူခံရတာပါ။ တရားလိုုအနေနဲ့တော့ ကျန်းမာရေးဌာနက မလုုပ်ဖြစ်ပါဘူး။ COVID ကော်မတီမှာပါတဲ့ အခြားဌာနဆိုုင်ရာတွေက တရားလိုုပြု အမှုဖွင့်ခဲ့တာပါ” ဟုု ဒေါက်တာမျိုးသက်ဦးက ပြောကြားသည်။

အဆိုုပါဖြစ်စဉ်မှ အမှုဖွင့်ခံရသူအား အောက်တိုုဘာ ၁၂ ရက်က Antigen Test Kit ဖြင့် စစ်ဆေးခဲ့ပြီး ပိုုးမတွေ့ရှိကြောင်း သိရပြီး ချောက်မြို့တွင် အောက်တိုုဘာ ၁၂ ရက်အထိ Quarantine ဝင်နေသူ စုုစုုပေါင်း ၄၀ ဦးရှိကြောင်း သိရသည်။