ဗီယန်ကျင်း၊နိုဝင်ဘာ ၁
လာအို-တရုတ်မီးရထားကုမ္ပဏီလီမိတက် (LCRC) သည် ခရီးသွားလုပ်ငန်းကိုမြှင့်တင်ရန်ရည်ရွယ်၍ တရုတ်နိုင်ငံ ရှီယန်းဘာနာနှင့် လာအိုနိုင်ငံမှ လွမ်ပရာဘွမ်အကြား လူစီးရထားပြေးဆွဲမှုအခေါက်ရေကို အောက်တိုဘာလ ၂၉ ရက်မှစတင်၍ တိုးမြှင့်ပြေးဆွဲခဲ့သည်။
ယခုအခါ အဆိုပါကုမ္ပဏီသည် ယခင်ကတစ်ပတ်လျှင် လေးရက်သာပြေးဆွဲပေးခဲ့ရာမှ ယခုအခါ တစ်ပတ်လျှင် ခြောက်ရက်အထိတိုးမြှင့် ပြေးဆွဲလျက်ရှိသည်။
ယခုကဲ့သို့တိုးချဲ့ပြေးဆွဲထားသည့် အချိန်ဇယားနှင့်အစီအစဉ်သည် နှစ်နိုင်ငံ၏ လူကြိုက်များသောနေရာနှစ်ခုအကြားတွင် ခရီးသည်များပိုမိုသွားလာနိုင်စေမည်ဖြစ်ကာ ခရီးသွားလုပ်ငန်းသည် တိုးတက်လာမည်ဖြစ်သည်။
အဆိုပါရထားလမ်းဖြင့် ၂၀၂၃ ခုနှစ် ဧပြီလ ၁၃ ရက်နေ့တွင် ခရီးသည်ဝန်ဆောင်မှုကိုစတင်ခဲ့ပြီး စတင်ပြေးဆွဲချိန်မှစ၍ ကုန်ကျစရိတ်သက်သာမှု၊ အဆင်ပြေမှုနှင့် သက်သောင့်သက်သာရှိမှုတို့ကြောင့် နိုင်ငံတကာခရီးသည်များအကြား ရေပန်းစားလာသောရထားလမ်းလည်းဖြစ်လာခဲ့သည်။
ယခုနှစ် ဧပြီလ ၁၃ ရက်နေ့တွင်မူ တရုတ်နှင့်လာအို မီးရထားအာဏာပိုင်များသည် နိုင်ငံတကာခရီးသည်ဝန်ဆောင်မှုများအတွက် နောက်ထပ်ရထားတွဲတစ်တွဲကိုထပ်တိုးပြေးဆွဲခဲ့သည်ဟုလည်းသိရသည်။
Source : ရှင်းဟွာ
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
