အင်တာမိုင်ယာမီအသင်းနှင့် အာဂျင်တီးနားလက်ရွေးစင် အသင်းခေါင်းဆောင် လီယွန်နယ်မက်ဆီက အနားယူပြီးနောက် နည်းပြအဖြစ် မလုပ်ချင်သော်လည်း အနာဂတ်တွင် ဘာလုပ်ရမည်ကိုမသိသေးကြောင်း နာမည်ကြီး အီတလီအားကစားဂျာနယ်လစ် ဖာဘရီဇီယိုရိုမာနိုနှင့် အင်တာဗျူးတွင် ထုတ်ဖော်ပြောကြားခဲ့သည်။
မက်ဆီနှင့် ရိုမာနိုသည် 433 ဘောလုံး App အတွက် အင်တာဗျူးပြုလုပ်ခြင်းဖြစ်ပြီး အနာဂတ်အစီအစဉ်၊ ၂၀၂၆ ကမ္ဘာ့ဖလား ပြိုင်ပွဲတွင်ယှဉ်ပြိုင်ရန် ရည်ရွယ်ထားခြင်းရှိ၊ မရှိ၊ ကစားသမားဘဝအောင်မြင်မှုမှတ်တိုင်များအကြောင်း ထည့်သွင်းပြောကြားထား သည်။
"ကျွန်တော် နည်းပြမဖြစ်ချင်ပါဘူး။ ဒါပေမဲ့ အနာဂတ်မှာ ဘာလုပ်ဖြစ်မလဲဆိုတာ ကျွန်တော် တကယ်မသိသေးပါဘူး။ ကျွန် တော့်ရဲ့ နေ့စဉ်လုပ်နေကျအရာအားလုံးကို အရင်ကထက် အများကြီးတန်ဖိုးထားပါတယ်။ အဲဒါကြောင့် ဘောလုံးကစားဖို့၊ လေ့ကျင့်ဖို့၊ ပျော်ရွှင်ဖို့အကြောင်းပဲ ကျွန်တော် တွေးထားပါတယ်" ဟု မက်ဆီက ဆိုသည်။
ထို့ပြင် ၂၀၂၆ ကမ္ဘာ့ဖလားပြိုင်ပွဲနှင့်ပတ်သက်၍ ၎င်းက "အမှန်တော့ ကျွန်တော်မသိသေးပါဘူး။ အဲဒီအကြောင်းကို ကျွန်တော် အကြိမ်ကြိမ်မေးခံရဖူးပါတယ်။ အထူးသဖြင့် အာဂျင်တီးနားအတွက်ပေါ့။ ကျွန်တော်က ရာသီတစ်ခုကို ကောင်းမွန်စွာအဆုံးသတ် နိုင်ဖို့၊ ပြီးသွားရင် ကောင်းမွန်တဲ့ ရာသီကြို ကာလရရှိစေဖို့ မျှော်လင့်ထားပါတယ်။ ဘောလုံးမှာ အမြဲတမ်းဖြစ်နေတဲ့ အကြောင်းအရာတွေက အများကြီးပါပဲ။ သွားရမယ့်လမ်းက အဝေးကြီးပဲမို့ အဲဒီအကြောင်း ကျွန်တော် အများကြီးမတွေးထားပါဘူး။ အနာဂတ်ကို အများကြီးမတွေးဘဲနဲ့ တစ်နေ့ချင်းစီရှင်သန်ဖို့ပဲ လုပ်နေပါတယ်" ဟု ဆက်လက်ပြောကြားခဲ့သည်။
မက်ဆီသည် ပြီးခဲ့သည့်ဇွန်လအတွင်း အသက် ၃၇ နှစ်ပြည့်ခဲ့သောကြောင့် ၂၀၂၆ ကမ္ဘာ့ဖလားပြိုင်ပွဲ ကျင်းပမည့်အချိန်တွင် အသက် ၃၉ နှစ်အထိရှိနေမည်ဖြစ်သည်။ ၎င်းသည် အာဂျင်တီးနားအသင်းနှင့်အတူ ၂၀၂၂ ကမ္ဘာ့ဖလား၊ ၂၀၂၁ နှင့် ၂၀၂၄ ကိုပါ အမေရိက၊ ၂၀၂၂ Finalissima (တောင်အမေရိက - ဥရောပ ချန်ပီယံဖလား) ချန်ပီယံဆုများ ဆွတ်ခူးရရှိထားသည်။
အာဂျင်တီးနား အသင်းသည် ၂၀၂၆ ကမ္ဘာ့ဖလား တောင်အမေရိကဇုန်ခြေစစ်ပွဲတွင် ၁၀ ပွဲကစား၊ ၂၂ မှတ်ဖြင့် ဇယားထိပ်ဆုံးမှ ဦးဆောင်လျက်ရှိသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
