အီရန်၏ ဂြိုဟ်တုနှစ်စင်းအပါအဝင် ဂြိုဟ်တုများ ကိုသယ်ဆောင်သွားသည့် အာကာသယဉ်ကို ကမ္ဘာပတ်လမ်းအတွင်းသို့ အောင်မြင်စွာ လွှတ်တင်ခဲ့သည်ဟု ရုရှား၏ Roscosmos အာကာသအေဂျင်စီက ပြောဆိုခဲ့ခြင်းကြောင့် မော်စကိုနှင့် တေရန်အကြား ပူးပေါင်းဆောင်ရွက်မှု တိုးမြင့်လာခြင်းကို ထင်ဟပ်စေခဲ့သည်။
ဆိုယုဇ်-2.1 အာကာသယာဉ်ကို ရုရှားအရှေ့ဖျားရှိ Vostochny Cosmodrome လွှတ်တင်ရေးစခန်းမှ စီစဉ်ထားသည့်အတိုင်း အင်္ဂါနေ့တွင် လွှတ်တင်ခဲ့ခြင်းဖြစ်ပြီး လွှတ်တင်အပြီး ၉ မိနစ်အကြာတွင် ဂြိုဟ်တုများကို သတ်မှတ် ပတ်လမ်းများအတွင်း ပို့ဆောင်ပေးနိုင်ခဲ့သည်ဟု ဆိုခဲ့သည်။
ကမ္ဘာတစ်ဝန်း အာကာသရာသီဥတုကို စောင့်ကြည့်ရန် ရည်ရွယ်သည့် ရုရှား၏ Ionosfera-M ဂြိုဟ်တုနှစ်စင်းနှင့် အီရန်၏ ဂြိုဟ်တုနှစ်စင်း အပါအဝင် ဂြိုဟ်တုငယ် ၅၃ စင်းကို ပတ်လမ်းအတွင်းကို အောင်မြင်စွာ ပို့ဆောင်ခဲ့ကြောင်း Roscosmos က ပြောကြားခဲ့သည်။
ဂြိုဟ်တုငယ် ၅၃ စင်းအနက် အီရန်၏ ဂြိုဟ်တုနှစ်စင်းမှာ ကြည်လင်ပြတ်သားမှု အဆင့်မြင့် ပုံရိပ်ဖော် ဂြိုဟ်တု Kowsar နှင့် ဆက်သွယ်ရေးဂြိုဟ်တုငယ် Hodhod တို့ဖြစ်သည်။ ထို့အပြင် ရုရှား-တရုတ် ကျောင်းသားများ၏ Druzhba ATURK ကိုလည်း ပတ်လမ်းအတွင်း ပို့ဆောင်ခဲ့သည်ဟု ဆိုခဲ့သည်။
အီရန် ဂြိုဟ်တုများသည် နိုင်ငံ၏ ပုဂ္ဂလိကကဏ္ဍ ကိုယ်စားပြု ဂြိုဟ်တုများအဖြစ် ပထမဆုံးလွှတ်တင်မှုလုပ်ခဲ့ခြင်းဖြစ်ပြီး Kowsar ကို ၂၀၁၉ ခုနှစ်တွင် ဂြိုဟ်တုများကို စတင်ဖန်တီးထုတ်လုပ်သော Omidfaza ကုမ္ပဏီက ထုတ်လုပ်ခဲ့ခြင်းဖြစ်သည်ဟု အီရန်၏ တရားဝင်သတင်းဌာန IRNA က သတင်းထုတ်ပြန်သည်။
Kowsar သည် သုံးနှစ်ကြာ သက်တမ်းရှိမည်ဖြစ်ကာ Hodhod သည် လေးနှစ်သက်တမ်းအတွက် လုပ်ငန်းဆောင်တာများ လုပ်ဆောင်မည်ဖြစ်သည်ဟု အိုင်အာရ်အင်န်အေ က ဖော်ပြခဲ့သည်။
Ref: အယ်ဂျာဇီးယား
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
