Top News

ထိုင်းနိုင်ငံအတွင်း တရားမဝင်အလုပ်သမားဖမ်းဆီးရေးကို သက်ဆိုင်ရာတာဝန်ရှိသူများက နိုဝင်ဘာ ၇ ရက်တွင် ထပ်မံဆောင်ရွက်ခဲ့ရာ မြန်မာလုပ်သားများအပါအဝင် တရားမဝင်အလုပ်သမား ၂၈၇ ဦး ဖမ်းဆီးခံရကြောင်း သိရသည်။

ထိုင်းနိုင်ငံမှ သက်ဆိုင်ရာတာဝန်ရှိအဖွဲ့များသည် ရွှေ့ပြောင်းလုပ်သားအများအပြားနေထိုင်သည့် ခရိုင်၂၅ ခရိုင်ရှိနယ်မြေ ၃၀ ကို အဓိကထားပြီး ဝင်ရောက်စစ်ဆေးမှုများပြုလုပ်ရာမှ ထိုသို့ဖမ်းဆီးရမိခဲ့ခြင်းဖြစ်သည်ဟု ထိုင်းနိုင်ငံဘက်က လာသောသတင်းများအရ သိရသည်။

တရားမဝင်အလုပ်သမားအဖြစ်ဖမ်းဆီးခံရေသာ အလုပ်သမားများတွင် မြန်မာအလုပ်သမား ၁၆၁ ဦး ၊ ကမ္ဘောဒီယား အလုပ်သမား ၇၅ ဦး နှင့်လာအိုအလုပ်သမား နှစ်ဦးပါဝင်ကြောင်း သိရသည်။

ထို့အပြင် လူဝင်မှုကြီးကြပ်ရေးဥပဒေအရ ပြစ်မှုကျူးလွန်သူ ထိုင်းလူမျိုး ၄၉ ဦး တို့ကို စစ်ဆေး တွေ့ရှိကြောင်းသိရှိရသည်ဟု ထိုင်းသတင်းကဆိုသည်။

သက်ဆိုင်ရာ ထိုင်းတာဝန်ရှိသူများအနေဖြင့် ဖမ်းဆီးရမိသည့် တရားမဝင်လုပ်သားများကို ဥပဒေအရဆက်လက်အရေးယူသွားမည်ဖြစ်ကြောင်းသိရသည်။

ထို့အပြင် ထိုင်းနိုင်ငံအတွင်း တရားမဝင်အလုပ်သမားဖမ်းဆီးရေးရက် ၁၂၀ စီမံချက်အဖြစ် ဇွန် ၅ ရက်မှ အောက်တိုဘာ ၂ ရက်နေ့ထိ ဖမ်းဆီးခဲ့ရာ တရားမဝင်မြန်မာနိုင်သားအလုပ်သမား၂၀၉၄၃၅ ဦး ဖမ်းဆီးခံခဲ့သလိုကမ္ဘောဒီးယားနိုင်ငံသားအလုပ်သမား ၄၂,၇၆၆ ဦး ၊ လာအို နိုင်ငံသား အလုပ်သမား ၁၆,၄၈၁ ဦး ၊ ဗီယက်နမ်နိုင်ငံသား အလုပ်သမား ၁၈၁ ဦး နှင့် အခြားနိုင်ငံသားအလုပ်သမား ၈,၉၀၇ ဦးဖမ်းဆီးခံခဲ့ရေကြာင်းသိရသည်။

■Ref: LTH

■Photo: LTH