ရိုးမားအသင်းတိုက်စစ်ကစားသမားသစ် အယ်လ်ရှာရာဝီက မိမိအနေဖြင့် အသင်းတွင် ခြေစွမ်းပြနိုင်ရန် အစွမ်းကုန်ကြိုးစားသွားမည်ဖြစ်ကြောင်း ပြောကြားခဲ့သည်။
ရိုးမားအသင်းသည် တရုတ်စူပါလိဂ်ကလပ် ရှန်ဟိုင်းရှင်ဟွာအသင်းနှင့်လမ်းခွဲခဲ့သည့် အသက် (၂၈)နှစ်အရွယ် အယ်လ်ရှာရာဝီကို ပြောင်းရွှေ့ကြေးအလွတ်ဖြင့် ခေါ်ယူကာ ၂၀၂၃ ခုနှစ်အထိ သက်တမ်းရှိ စာချုပ်တစ်ရပ် ချုပ်ဆိုခဲ့သည်။
အယ်လ်ရှာရာဝီက မိမိအနေဖြင့် ပွဲမကစားရသည်မှာ အနည်းငယ်ကြာပြီဖြစ်သည့်အတွက် ကြံ့ခိုင်မှုပြည့်ဝအောင် အားထုတ်သွားမည်ဖြစ်ပြီး အသင်းအတွက် အစွမ်းကုန်ကြိုးစားသွားမည်ဖြစ်ကြောင်း ပြောကြားခဲ့ခြင်းဖြစ်သည်။
"ကျွန်တော် ပွဲမကစားရတာ နည်းနည်းတော့ ကြာပါပြီ။ ဒါကြောင့် အကောင်းဆုံးအနေအထားရအောင် ကျွန်တော့်အနေနဲ့ အချိန်ယူပြီး လေ့ကျင့်ရမှာပါ။ ကျွန်တော့်အနေနဲ့ အသင်းရဲ့ ကြံ့ခိုင်ရေးအစီအစဉ်တွေအတိုင်း လုပ်ဆောင်သွားမှာဖြစ်ပြီး အသင်းရဲ့ယုံကြည်မှုအတွက် ပြန်လည်ပေးဆပ်နိုင်ဖို့ အစွမ်းကုန်ကြိုးစားသွားမှာပါ"ဟု အယ်လ်ရှာရာဝီက ပြောကြားခဲ့သည်။
အီတလီတိုက်စစ်ကစားသမား အယ်လ်ရှာရာဝီသည် ရိုးမားအသင်းတွင် ၂၀၁၅ ခုနှစ်မှ ၂၀၁၉ ခုနှစ်အထိ ကစားခဲ့သူဖြစ်ပြီး (၄)ရာသီအတွင်း (၁၃၉)ပွဲကစားခဲ့ရာ ဂိုး (၄၀) သွင်းယူပေးခဲ့သည်။
အယ်လ်ရှာရာဝီက ရိုးမားအသင်းတွင် တစ်ကျော့ပြန်ကစားခွင့်ရသည့်အတွက် ဝမ်းသာကြောင်းနှင့် မိမိကို ပြန်လည်ခေါ်ယူခဲ့သည့် အသင်းတာဝန်ရှိသူများကို ကျေးဇူးတင်ကြောင်းလည်း ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
