ဂျပန်သည် ပြည်ပမှ ဝင်ရောက်လာမည့် ဂျပန်နိုင်ငံသား မဟုတ်သူများအားလုံးကို ဒီဇင်ဘာ ၂၈ ရက်မှ ဇန်နဝါရီနှောင်းပိုင်းအထိ ပြည်ဝင်ခွင့် ပိတ်ပင်ထားမည် ဖြစ်ကြောင်း ဂျပန်အစိုးရအဖွဲ့က ဒီဇင်ဘာ ၂၆ ရက်တွင် ထုတ်ပြန်ခဲ့သည်။
အဆိုပါ ထုတ်ပြန်ကြေညာချက် မထွက်မီအချိန်က ဂျပန်သည် နိုင်ငံတွင်းသို့ ပြည်ပနိုင်ငံအများစုမှ နိုင်ငံခြားသားများ ဝင်ရောက်မှုကို ကန့်သတ်ခဲ့ပြီး နိုင်ငံသို့ ရောက်ရှိလာသည့် ပြည်ပခရီးသွားများ အားလုံးကို အသွားအလာ စောင့်ကြည့်မှုများ ခံယူစေခဲ့သည်။
ကူးစက်မြန် ကိုရိုနာဗိုင်းရပ်စ်မျိုးကွဲသစ် ကူးစက်ဖြစ်ပွားနေသည့် နိုင်ငံများမှ နိုင်ငံခြားသားများနှင့် ဂျပန်ခရီးသွားများအနေဖြင့် ဂျပန်သို့ မဝင်ရောက်မီ ၇၂ နာရီအတွင်း စစ်ဆေးထားသော COVID-19 စစ်ဆေးချက် Negative ရလဒ် အထောက်အထားကို တင်ပြရမည် ဖြစ်ကာ ဂျပန်လေဆိပ်သို့ ရောက်ရှိလျှင်လည်း COVID-19 စစ်ဆေးမှုကို ထပ်မံ ခံယူရမည်ဖြစ်ကြောင်း ဂျပန်က ပြီးခဲ့သည့် သီတင်းပတ်တွင် ကြေညာထားခဲ့ပြီး လက်ရှိတွင် ထိုစီမံချက်များကို ပိုမိုတင်းကျပ်ရန် စီစဉ်နေသည်။
ကူးစက်မြန် ဗိုင်းရပ်စ်မျိုးကွဲသစ် ကူးစက်ပျံ့နှံ့နေသော ဗြိတိန်နှင့် တောင်အာဖရိကနိုင်ငံသို့ သွားရောက်ခဲ့ဖူးသော ခရီးသွားများမှလွဲ၍ ဗီဇာ ကိုင်ဆောင်ထားသည့် ကျန်ပြည်ပ ခရီးသွားများကိုမူ နိုင်ငံအတွင်း ဝင်ရောက်ခွင့်ပြုမည် ဖြစ်ကြောင်း Kyodo သတင်းဌာနက ဖော်ပြခဲ့သည်။ ဂျပန်တွင် ဗြိတိန်မှ ဝင်ရောက်လာသူ ငါးဦး၌ ဗိုင်းရပ်စ်မျိုးကွဲသစ် ကူးစက်ခံထားရကြောင်း ကျန်းမာရေးဝန်ကြီးဌာနက ထုတ်ပြန်ခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
