Top News

ဘန်တန်ကာ၏ ပွဲပယ်ပြစ်ဒဏ်အတွက် စပါးအသင်း အယူခံဝင်

24htopnews | November 21, 2024 8:12 PM CST

စပါးအသင်းသည် ကွင်းလယ်ကစားသမား ဘန်တန်ကာ၏ပွဲပယ် ပြစ်ဒဏ်အတွက် အယူခံဝင်ခဲ့ကြောင်း သိရှိရသည်။

ဘန်တန်ကာသည် စပါးအသင်းဖော် ဆွန်ဟောင်မင်အား လူမျိုးရေးခွဲခြားသည့်နောက်ပြောင်စကားပြောဆိုခဲ့ခြင်းကြောင့် FA ၏ (၇) ပွဲပယ်ပြစ်ဒဏ်နှင့် ပေါင် (၁) သိန်း ဒဏ်ရိုက်ခံခဲ့ရသည်။

ဘန်တန်ကာသည် အင်တာဗျူးတစ်ခုတွင် ဆွန်ဟောင်မင်နှင့်ပတ်သက်ပြီး ကိုးရီးယားလူမျိုးများမှာ ရုပ်ချင်းအတူတူပင်ဖြစ်သည်ဟု မှတ်ချက်ပြုခဲ့ခြင်းဖြစ်သည်။

ဘန်တန်ကာသည် ယင်းနောက်တွင် ဆွန်ဟောင်မင်ကို တောင်းပန်ခဲ့ကြောင်း သိရသည်။

စပါးအသင်းသည် ဘန်တန်ကာ၏ပွဲပယ်ပြစ်ဒဏ်မှာ များလွန်းသည်ဟုယူဆကာ အယူခံဝင်ခဲ့ခြင်းဖြစ်ကြောင်း သိရသည်။