Top News

မေဂျာလိဂ်အသင်းသစ် ဆန်ဒီယေဂိုအသင်း၏ ရှယ်ယာရှင်စာရင်းတွင် မာတာ ပါဝင်လာ

24htopnews | November 22, 2024 8:12 PM CST

ချယ်လ်ဆီးနှင့် မန်ယူအသင်း ကွင်းလယ်လူဟောင်း ဟွမ်မာတာသည် မေဂျာလိဂ်အသင်းသစ်ဖြစ်သည့် ဆန်ဒီယေဂိုအသင်း၏ ရှယ်ယာရှင်စာရင်းတွင် ပါဝင်လာကြောင်း သိရသည်။

အသက် ၃၆ နှစ်ရှိပြီဖြစ်သူ မာတာသည် ပြီးခဲ့သည့် စက်တင်ဘာတွင် ဂျပန်ကလပ် ဗစ်ဆဲလ်ကိုဘီအသင်းမှ သြစတြေးလျကလပ် Western Sydney Wanderers အသင်းသို့ ပြောင်းရွှေ့ကစားနေသူဖြစ်သည်။

၎င်းအနေဖြင့် လက်ရှိကစားနေသည့် ဘောလုံးသမားများအနက် မေဂျာလိဂ်အသင်း၏ အစုရှယ်ယာပိုင်ဆိုင်သည့် ပထမဆုံးကစားသမားဖြစ်လာကြောင်း ဆန်ဒီယေဂိုအသင်းက နိုဝင်ဘာ ၂၀ ရက်တွင် အတည်ပြုထုတ်ပြန်ခဲ့သည်။

ဆန်ဒီယေဂိုအသင်းကို ၂၀၂၃ ခုနှစ် မေ ၁၈ ရက်တွင် စတင်တည်ထောင်ခဲ့ပြီး ၂၀၂၅ ရာသီမှစ၍ အသင်း ၃၀ မြောက်အဖြစ် ပါဝင်ယှဉ်ပြိုင်မည်ဖြစ်ကြောင်း သိရသည်။