Top News

ဧရာဝတီတံတား (ရတနာပုံ) ​ပေါ်တွင် သြဂုတ်​ ၁၇ ရက်​​ (ယနေ့) နံနက် ၈ နာရီခွဲဝန်းကျင်​ခန်​့က အပြန်​အလှန်​ပစ်​ခတ်​မှုများ ဖြစ်​ပွားခဲ့ပြီး ​သေဆုံး ဒဏ်​ရာရရှိမှုများ ရှိခဲ့​ကြောင်​း စုံစမ်​း သိရှိသည်​ ။

ဖြစ်​စဉ်​မှာ မန္တ​လေးဘက်​မှ ​မောင်​းနှင်​လာသည်​့ အာကာသ ကသာ - မန်​း express ယာဉ်​​ပေါ်မှ တံတားထိပ်​ရှိ စစ်​​ဆေး​ရေးဂိတ်​အား ပစ်​ခတ်​ခဲ့ရာမှ ၄င်​း express ယာဉ်​အား လိုက်​လံ၍ ပြန်​လည်​ပစ်​ခတ်​ခဲ့ခြင်​းဖြစ်​သည်​ဟု သိရှိရသည်​ ။

" မန္တ​လေးဘက်​ကလာတဲ့ express ကား​ပေါ်က​နေ  တံတားထိပ်​ နှာ​ပေါက်​က စစ်​​ဆေး​ရေးဂိတ်​ကို ပစ်​ခတ်​သွားတာလို့ သိရတယ်​ ။ အဲ့မှာ လုံခြုံ​ရေး​တွေက ကားကို ​နောက်​က လိုက်​ပစ်​ ၊ စစ်​ကိုင်​းဘက်​ခြမ်​း စစ်​​ဆေး​ရေးအဖွဲ့ကလည်​း ​ရှေ့ကဆီးပြီး ​စောင်​့ပစ်​ ၊ အဲ့လို အပြတ်​အလှန်​ ပစ်​ခတ်​မှုဖြစ်​သွားတာ ။ ပစ်​ခတ်​မှု့​ကြောင်​့ ကား​ပေါ်က ပစ်​ခတ်​တဲ့သူ ၃ ဦး ​သေဆုံးပြီး လုံခြုံ​ရေးအဖွဲ့က ၂ ဦး ဒဏ်​ရာရတယ်​လို့ သိရပါတယ်​ ။ express ကား​ပေါ်မှာ ခရီးသည်​ ဘယ်​နှစ်​ဦး ပါလဲဆိုတာ​တော့ ​သေချာမသိရဘူး ။ ခရီးသည်​ အဖိုးတစ်​ဦး​တော့ ဒဏ်​ရာရတယ်​လို့ ကြားတယ်​ ။ အတိအကျ​တော့ ​သေချာမသိရ​သေးဘူး " ဟု လုံခြုံ​ရေးအဖွဲ့နှင်​့ နီးစပ်​သူတစ်​ဦးက ​ပြောကြားခဲ့သည်​ ။

ယင်​းသို့ပစ်​ခတ်​မှုဖြစ်​စဉ်​​ကြောင်​့ ဧရာဝတီတံတား (ရတနာပုံ) ​ပေါ်သို့ ဖြတ်​သန်​းသွားလာခွင်​့ကို ​ခေတ္တမျှ ပိတ်​ထားခဲ့ပြီး ယခုအခါ ကားများကို စိစစ်​၍ သွားလာခွင်​့ပြု​နေ​ကြောင်​း သိရှိရသည်​ ။

" အရင်​က​တော့ တံတား​ပေါ်က​နေ တစ်​ချက်​စ နှစ်​ချက်​စ ပစ်​​နေတာမျိုးကို ကြား​နေကြဆို​တော့ ရိုး​နေပြီ​ပေါ့  ။ အခုက​တော့ အတွဲလိုက်​​တွေကို ပစ်​တာ ။ ပစ်​ခတ်​ချိန်​ကလည်​း နည်​းနည်​းကြာတယ်​ " ဟု ရတနာပုံတံတားအနီး ​နေထိုင်​သူတစ်​ဦးက ​ပြောကြားသည်​ ။

"စစ်​ကိုင်​းဘက်​ခြမ်​း တံတားထိပ်​မှာ Express ကားကြီး ရပ်​ထားတာ ​တွေ့ခဲ့တယ်​ ။ ကားရဲ့ ဘယ်​ဘက်​ခြမ်​းတစ်​ခုလုံးက ​သေနတ်​ကျည်​ဆံရာ​တွေ ၂၀ ထက်​မနည်​း မှန်​ထားတာ ။  ကား​ပေါ်မှာ ခရီးသည်​ ဘယ်​​လောက်​ပါသလဲ​တော့ မသိဘူး ။ ကားကို ကျည်​မှန်​ထားတဲ့ပုံအရ​တော့ ထိခိုက်​ဒဏ်​ရာရသူ အ​တော်​များနိုင်​တယ်​ " ဟု ပစ်​ခတ်​မှုဖြစ်​ပွားပြီး​နောက်​ တံတား​ပေါ်မှ သွားလာခဲ့သူတစ်​ဦးက ​ပြောကြားခဲ့သည်​ ။

ယင်​းသို့ ပစ်​ခတ်​မှုဖြစ်​စဉ်​​ကြောင်​့ စစ်​ကိုင်​းမြို့တွင်​းရှိ ​စာသင်​​ကျောင်​းအချို့တွင်​ က​လေးငယ်​များကို မိဘများမှ ပြန်​လည်​၍ လာ​ရောက်​​ခေါ်​ဆောင်​မှုအချို့ ရှိခဲ့​ကြောင်​း သိရှိရသည်​ ။