ဟင်္သာတတက္ကသိုလ်၌ ပါမောက္ခချုပ်အပါအဝင် ပညာရေးဝန်ထမ်း အများအပြား စုပေါင်း၍ ဖဲကြိုးနီ လှုပ်ရှားမှုကို ဖေဖော်ဝါရီလ ၅ ရက် နံနက် ၁၀ နာရီဝန်းကျင်က ပြုလုပ်ခဲ့သည်။
“ဒီနေ့လုပ်ရတဲ့ ပွဲကတော့ နိုဝင်ဘာလ ၈ ရက်နေ့က ပြည်သူ့ဆန္ဒနဲ့အညီ ရွေးကောက်တင်မြှောက်ထားတဲ့ အစိုးရကို အာဏာရှင်တွေက မတရားဖမ်းဆီးပြီး အာဏာကို လုယူသွားတာကြောင့် ကျွန်တော်တို့ ဆရာ များအနေနဲ့ အနာဂတ် ကျောင်းသားတွေအတွက် ရှေ့ကနေ မားမားမတ်မတ်ရပ်တည်ပြီး ဆန့်ကျင်ခြင်းဖြစ် ပါတယ်။ နိုင်ငံရဲ့ သမိုင်းကြောင်းကို ကြည့်မယ်ဆိုရင် ဘယ်တော့မှ စစ်အာဏာသိမ်းလို့ နိုင်ငံတိုးတက်တယ် ဆိုတာ မရှိပါဘူး။ ပညာရေး၊ စီးပွားရေး၊ လူမှုရေး အကုန်လုံးဟာ သူများနောက်မှာ ကျကျန်ခဲ့ရပါတယ်။ ဒီနေ့ လုပ်တဲ့ပွဲဟာ တပ်မတော်သားအများစုကို မုန်းလို့ လုပ်တာမဟုတ်ပါဘူး။ လက်တစ်ဆုပ်စာအာဏာရှင်အစိုးရ ရဲ့လုပ်ရပ်ဟာ အင်မတန်ရွံရှာ စက်ဆုပ်ဖွယ်ကောင်းလို့ မျိုးဆက်သစ် ကျောင်းသားကျောင်းသူ၊ လူငယ်၊ ပြည်သူ တွေအတွက် ဆရာ၊ဆရာမများအခန်းကဏ္ဍကနေ မားမားမတ်မတ် ရပ်တည်ပြီး ဒီပွဲကို ကျင်းပရခြင်း ဖြစ်ပါတယ်” ဟု ဟင်္သာတတက္ကသိုလ် ဆရာများသမဂ္ဂ ဥက္ကဋ္ဌ ဆရာဦးကျော်မင်းထိုက်က ဖြေကြားသည်။
ယင်းလှုပ်ရှားမှု၌ တောင်းဆိုလိုသည့် အချက်များနှင့် ပတ်သက်၍ ဟင်္သာတတက္ကသိုလ်ဆရာ များသမဂ္ဂ အတွင်းရေးမှူး ဆရာမဒေါ်တင်မိုးမိုးဝင်းက “ဒီနေ့ ဟင်္သာတတက္ကသိုလ်မှာ လှုပ်ရှားတဲ့ လှုပ်ရှားမှုကတော့ ပထမတစ်ချက်က စစ်အာဏာရှင်အစိုးရကို ဆန့်ကျင်တဲ့အနေနဲ့ Civil Disobedience Movement ကို ထောက်ခံတဲ့အနေနဲ့ လှုပ်ရှားခြင်း ဖြစ်ပါတယ်။ အခုလို လှုပ်ရှားမှုမှာ ဟင်္သာတတက္ကသိုလ် ရဲ့ပါချုပ်၊ ဒုချုပ်သာမက စီမံရေးရာဌာနဝန်ထမ်းများ၊ တက္ကသိုလ်ဆရာ၊ဆရာမများ၊ သင်တန်းရေးရာဌာနများ၊ နယ်မြေ၊ ဌာနပေါင်းစုံအသီးသီးက ဆရာ၊ ဆရာမများ၊ ဆရာ၊ဆရာမသမဂ္ဂဝင်များ ရာနူန်းပြည့်ပါဝင်ပြီး ဒီလှုပ်ရှားမှုကို ပြုလုပ်ခြင်းဖြစ်ပါတယ်။ ဒီလှုပ်ရှားမှုပြုလုပ်ပြီး ကျွန်မတို့တောင်းဆိုချင်တာ(၃)ချက်ရှိပါတယ်။ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ နိုင်ငံတော်သမ္မတကြီး ဦးဝင်းမြင့်နဲ့ ဖမ်းဆီးခံထားရသူ အားလုံးကို ချွင်းချက်မရှိ အမြန်ဆုံး ပြန်လွှတ်ပေးဖို့၊ ရွေးကောက်ပွဲရလာဒ်ကို အမြန်ဆုံး အကောင်အထည်ဖော်ပေးဖို့နဲ့ လွှတ်တော် အမြန်ဆုံးခေါ်ယူပေးဖို့ တောင်းဆိုချင်ပါတယ်” ဟု ဖြေကြားသည်။
ယင်းလှုပ်ရှားမှု၌ ဖဲကြိုးနီများကို တပ်ဆင်၍ ဖဲကြိုးနီပုံနှင့် Civil Disobedience၊ Myanmar Teachers စာသားပါ စာရွက်များကို ကိုင်ဆောင်ကာ သွေးသစ္စာသီချင်းကို သံပြိုင်သီဆိုပြီး “ပြည်သူ့အစိုးရထံမှ အဓမ္မ အာဏာ လုယူထားသော စစ်အာဏာရှင်များအား ကန့်ကွက်ရှုတ်ချပါသည်” စာသားပါ ဗွီနိုင်းနှင့်အတူ စုပေါင်းမှတ်တမ်း တင်ခဲ့ကြသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
