လီဗာပူးလ်နည်းပြ အာနယ်ဆလော့သည် ပရီးမီးယားလိဂ်နိုင်ပွဲ (၁၀)ပွဲကို ပွဲအရေအတွက်အနည်းဆုံးဖြင့် ရယူနိုင်သည့်နည်းပြအဖြစ် ချယ်လ်ဆီးနည်းပြဟောင်းများဖြစ်သည့် ဟစ်ဒင့်၊ အန်ဆယ်လော့တီတို့နှင့်အတူ ပူးတွဲရပ်တည်နိုင်ခဲ့ကြောင်း သိရသည်။
အာနယ်ဆလော့သည် ယခုရာသီတွင် လီဗာပူးလ်အသင်းကို စတင်ကိုင်တွယ်ခဲ့ခြင်းဖြစ်ပြီး ပရီးမီးယားလိဂ်ပွဲစဉ် (၁၂)ပွဲ ယှဉ်ပြိုင်ကစားအပြီးတွင်ပင် နိုင်ပွဲ(၁၀)ပွဲ ပြည့်မြောက်ခဲ့သည်။
၎င်းသည် အဆိုပါ(၁၂)ပွဲတွင် (၁၀)ပွဲနိုင်၊ (၁)ပွဲသရေ၊ (၁)ပွဲရှုံးခဲ့ခြင်းဖြစ်သည်။
၎င်းမတိုင်မီက ပရီးမီးယားလိဂ်နိုင်ပွဲ(၁၀)ပွဲကို ပွဲအရေအတွက် အနည်းဆုံးဖြင့် ရယူနိုင်သည့်နည်းပြများအဖြစ် ဟစ်ဒင့်နှင့် အန်ဆယ်လော့တီတို့က စံချိန်တင်ထားခဲ့ပြီး ဟစ်ဒင့်က ယာယီနည်းပြအဖြစ် ဆောင်ရွက်ခဲ့သည့် ၂၀၀၈-၀၉ ရာသီတွင်လည်းကောင်း၊ အန်ဆယ်လော့တီက ၂၀၀၉-၁၀ ရာသီတွင်လည်းကောင်း ရယူခဲ့ခြင်းဖြစ်သည်။
ဟစ်ဒင့်သည် ၂၀၀၈-၀၉ ရာသီတွင် ဘရာဇီးလ်နည်းပြ စကိုလာရီ ရာထူးမှ ထုတ်ပယ်ခံရပြီးနောက် ဖေဖော်ဝါရီလတွင်မှ တာဝန်ယူခဲ့ရခြင်းကြောင့် ယင်းရာသီတွင် တတိယနေရာသာ ရရှိခဲ့သော်လည်း အန်ဆယ်လော့တီ၂၀၀၉-၁၀ ရာသီတွင် ချယ်လ်ဆီးအသင်းကို ပရီးမီးယားလိဂ်ချန်ပီယံဖြစ်အောင် စွမ်းဆောင်ပေးနိုင်ခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
