မြန်မာ-ထိုင်း နယ်စပ် ထိုင်းနိုင်ငံဘက်ရှိ စစ်ပွဲရှောင် မြန်မာနိုင်ငံသားများ နေထိုင်သည့် မယ်လ ဒုက္ခသည် စခန်းတွင် ဖေဖော်ဝါရီ ၉ ရက် ည ၁၀ နာရီခွဲခန့်က မီးလောင်မှု ဖြစ်ပွားခဲ့ရာ နေအိမ် ၅၀ ခန့် မီးလောင်ကျွမ်းခဲ့ကြောင်း သိရသည်။
ဖေဖော်ဝါရီ ၉ ရက် ည၁၀ နာရီခွဲခန့်က မီးလောင်ကျွမ်းခဲ့ရာ အနီးပတ်ဝန်းကျင် မြို့နယ်များမှ မီးသတ်ကား ခြောက်စီးဖြင့် မီးငြိှမ်းသတ်ရာ ၁၂ နာရီခွဲခန့်တွင် မီးငြိှမ်းသတ်နိုင်ခဲ့ကြောင်း သိရသည်။
“မီးဘယ်က စလောင်လည်းတော့ မသိပါဘူး။ စစ်ဆေးနေတုန်းပါပဲ။ အိမ်ခြေ ၅၀ ခန့် မီးလောင်သွားလို့ လူဦးရေ ၂၀၀ လောက်အတွက် နေရေး စားရေးကို သင့်တော်သလို စီစဉ်ဆောင်ရွက် ပေးထားတယ်လို့ သိရပါတယ်” ဟု မဲဆောက်မြို့မှ ကိုကြီးမန်းက ဆိုသည်။
မယ်လ ဒုက္ခသည်စခန်းသည် မီးလောင်မှု ဖြစ်ပွားခဲ့သည်မှာ လေးကြိမ်အထက် ဖြစ်ပွားခဲ့ပြီး ဖြစ်ကြောင်းလည်း ၎င်းကဆိုသည်။
မယ်လ ဒုက္ခသည်စခန်းသည် တာ့ခရိုင် ထဆောင်ရမ်းမြို့နယ်တွင်ရှိပြီး မဲဆောက်မြို့မှ မြောက်ဘက်သို့ မိုင် ၃၀ ခန့် ကွာဝေးကြောင်း သိရသည်။ မြန်မာ-ထိုင်း နယ်စပ်တွင် တာ့ခရိုင်ရှိ မယ်လ၊ အုန်းဖျန်၊ နို့ဖိုးဒုက္ခသည်စခန်း အပါအဝင် စစ်ဘေးဒုက္ခသည်စခန်း ကိုးခုရှိပြီး မြန်မာနိုင်ငံသား တစ်သိန်းခန့် နေထိုင်နေရဆဲ ဖြစ်ကြောင်း သိရသည်။
မီးဘေးသင့်ပြည်သူ ၂၀၀ ခန့်အား မယ်လစခန်းရှိ ဆွေမျိုးနေအိမ်တို့တွင် နေရာချထားပြီး စားသောက်ရေးကို သက်ဆိုင်ရာ အုပ်ချုပ်ရေးပိုင်းက စီစဉ်ပေးထားကြောင်းလည်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
