ဧရာဝတီမြစ်ရေတိုက်စားကမ်းပြိုမှုကြောင့် ဟင်္သာတမြို့နယ်၊ ရေလယ်သောင်ကျေးရွာအောက်စု၌ စိုက်ပျိုးမြေများဆုံးရှုံးလျက်ရှိသည့်အပြင် နေအိမ်များပါဖျက်ရွှေ့နေရကြောင်း သိရသည်။
လက်ရှိတွင် ကမ်းပြိုမှုကြောင့် ဘေးလွတ်ရာသို့ ဖျက်ရွှေ့ထားရသည့် နေအိမ် (၁၇)လုံးထိ ရှိနေပြီဖြစ်ကြောင်း ဒေသခံများထံမှ သိရသည်။
"ဧရာဝတီမြစ်ရေတိုက်စားပြီး ကမ်းပြိုတာပါ။ စစ်ကုန်းအုပ်စု၊ ရေလယ်သောင်ကျေးရွာမှာက အထက်စု၊ အလယ်စု၊ အောက်စုဆိုပြီးရှိတယ်။ အခုက အောက်စုမှာဖြစ်တာပါ။ အိမ်တွေ ဖျက်ရွှေ့ရတာ (၁၇)လုံးရှိပြီ။ ကမ်းစပြိုတာ နှစ်ပတ်လောက်ရှိပြီ။ ဒီတစ်ပတ်အတွင်းမှာတော့ဆက်တိုက်လိုဖြစ်လာတယ်။ စိုက်ပျိုးမြေဖြစ်တဲ့ ငရုတ်ခင်းတို့ ကွမ်းခြံတို့လည်း ကမ်းနောက်ပါသွားတာတွေရှိတယ်။ ဖျက်ရွှေ့ခဲ့ရတဲ့မူလနေအိမ်နေရာတွေလည်းပါသွားပြီ"ဟု ဒေသခံတစ်ဦးက ဖြေကြားသည်။
"လက်ရှိ ဘေးလွတ်ရာဖျက်ရွှေ့ထားတဲ့အိမ်တွေကတော့ ကိုင်းထဲကို ပြောင်းပြီး ယာယီ တဲထိုးနေနေကြပါတယ်။ ရေညွန့်ထိုးလိုက် ပြိုလိုက်နဲ့ ကမ်းပြိုတာက မရပ်သေးဘူး။ နောက်ထပ်အိမ်စုနဲ့လည်း ပေ ၁၀၀ ဝန်းကျင်ပဲလိုတော့ အိမ်တွေထပ်ဖျက်ရနိုင်တဲ့အနေအထားရှိပါတယ်။ အဲဒီ့အိမ်စုမှာက အိမ်ခြေ(၃၀) လောက်ရှိမယ်။ သက်ဆိုင်ရာဌာနတွေအနေနဲ့လည်း ကမ်းပြိုမှုဆက်မဖြစ်အောင် လတ်တလောကာကွယ်မှုလေးပဲဖြစ်ဖြစ် ကနဦးဆောက်ရွက်ပေးစေချင်ပါတယ်။ ရေရှည်မထိခိုက်စေဖို့အတွက်လည်း စီမံဆောင်ရွက်ပေးစေချင်ပါတယ်"ဟု ဒေသခံရပ်မိရပ်မိတစ်ဦးက ပြောကြားသည်။
လက်ရှိကမ်းပြိုမှု၌ ထိခိုက်မှုအခြေအနေများနှင့် နေအိမ်များဖျက်ရွှေ့ထားရသည့်အချက်အလက်များအား ဒေသခံများက စာရင်းပြုစုကာ မြို့နယ်သို့ တင်ပြထားပြီးဖြစ်ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
