ဝုလ်ဗ်အသင်းသည် အသင်း၏ စပိန်တောင်ပံကစားသမား ထရာအိုရေးအား စာချုပ်သစ်ချုပ်ဆိုရန်အတွက် ဆွေးနွေးမှုများကို ရပ်ဆိုင်းလိုက်ပြီဖြစ်ကြောင်း Goal.com က ဖော်ပြခဲ့သည်။
အသက် (၂၄)နှစ်အရွယ်ရှိ အဒါမာထရာအိုရေး၏ လက်ရှိစာချုပ်မှာ ၂၀၂၃ ခုနှစ်တွင်မှ ကုန်ဆုံးမည်ဖြစ်သော်လည်း ဝုလ်ဗ်အသင်းသည် ၎င်းကို နှစ်ရှည်စာချုပ်ချုပ်ဆိုရန် စီစဉ်ခဲ့ခြင်းဖြစ်သည်။ သို့သော် အဒါမာထရာအိုရေးသည် အသင်းတွင် ပုံမှန်ပွဲထွက်ခွင့် ပျောက်ဆုံးနေခြင်းကို စိတ်ပျက်နေပြီး စာချုပ်သစ်ကိစ္စအတွက် ဆွေးနွေးရာတွင် အဆင်မပြေသဖြင့် ဝုလ်ဗ်အသင်းက ရပ်ဆိုင်းလိုက်ခြင်းဖြစ်ကြောင်း သိရသည်။
အဒါမာထရာအိုရေးသည် စက်တင်ဘာလကုန်ပိုင်းက ကစားခဲ့သည့် ဝက်စ်ဟမ်းအသင်းအား (ဝ-၄)ဂိုးဖြင့် နောက်ဆုံးအဖြစ် ပွဲထွက်ခွင့်ရခဲ့ပြီး ယင်းနောက် ကစားခဲ့သည့် ပရီးမီးယားလိဂ်ပွဲစဉ် (၅)ပွဲတွင် လူစားဝင်ကစားသမားအဖြစ်သာ ပါဝင်ခွင့်ရခဲ့ခြင်းဖြစ်သည်။
ဝုလ်ဗ်အသင်းနည်းပြ နူနိုဆန်တိုသည် ယခုရာသီတွင် အသင်း၏တောင်ပံနေရာများ၌ ပိုဒန်နှင့် နေတိုတို့ကို ဦးစားပေးအဖြစ် အသုံးပြုနေပြီး အဒါမာထရာအိုရေးကို အရန်အဖြစ်သာ အသုံးပြုလျက်ရှိသည်။
အဒါမာထရာအိုရေးသည် ယင်းအခြေအနေကို ဒေါသထွက်နေပြီး စာချုပ်သစ်ကိစ္စ ဆွေးနွေးရာတွင် အဆင်မပြေဖြစ်ခဲ့ခြင်းဖြစ်ကြောင်း Goal.com က ဖော်ပြခဲ့သည်။ အဒါမာထရာအိုရေးအား ခေါ်ယူရန် မန်စီးတီး၊ ဘာစီလိုနာနှင့် လီဗာပူးလ်အသင်းတို့က စိတ်ဝင်စားနေကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
