ဝေလမင်းသား ချားစ်တွင် ကိုရိုနာဗိုင်းရပ်စ် ကူးစက်ခံခဲ့ရကြောင်း Clarence House က ကြေညာခဲ့သည်။ အသက် ၇၁ နှစ်ရှိ မင်းသားချားစ်သည် မပြင်းထန်သော ရောဂါလက္ခဏာများ ပြသခဲ့သော်လည်း ကျန်းမာရေးအခြေအနေ ကောင်းမွန်ဆဲဖြစ်ကြောင်း၊ Cornwall မြို့စားကတော်ဖြစ်သူ အသက် ၇၂ နှစ်ရှိ ကာမီလာတွင် စမ်းသပ်စစ်ဆေးခဲ့သော်လည်း ဗိုင်းရပ်စ်ကူးစက်ခံရခြင်း မရှိကြောင်း ပြောခွင့်ရပုဂ္ဂိုလ်တစ်ဦးက ပြောကြားခဲ့သည်။
ချားစ်နှင့် ကာမီလာတို့ နှစ်ဦးစလုံးသည် ယခုအခါ Balmoral တွင် သီးခြားခွဲ၍ နေထိုင်နေကြသည်။
ဗိုင်းရပ်စ်စစ်ဆေးမှုအား အဘာဒင်းရှိုင်းယားရှိ National Health Service (NHS) တွင် ပြုလုပ်ခဲ့ခြင်းဖြစ်သည်။ မင်းသားချားစ်သည် မတ် ၁၂ တွင် လူမြင်ကွင်းသို့ နောက်ဆုံးအကြိမ် ထွက်ခဲ့ပြီး ပြီးခဲ့သောရက်ပိုင်းအတွင်း နေအိမ်မှနေ၍ အလုပ်လုပ်ခဲ့သည်။
အလိဇဘတ်ဘုရင်မကြီးသည် ၎င်း၏သားဖြစ်သူ မင်းသားချားစ်နှင့် မတ် ၁၂ တွင် နောက်ဆုံးတွေ့ဆုံခဲ့ကြောင်း၊ သို့သော် ၎င်းသည်လည်း ကျန်းမာရေးကောင်းမွန်ဆဲဖြစ်ကြောင်း ဘက်ကင်ဟမ်နန်းတော်က ထုတ်ပြန်ခဲ့သည်။ ဘုရင်မကြီးသည် ၎င်း၏ကျန်းမာရေးနှင့်ပတ်သက်၍ သင့်လျော်သော အကြံပေးမှုအားလုံးကို လိုက်နာနေကြောင်းလည်း နန်းတော်က ထုတ်ပြန်ခဲ့သည်။
ဗြိတိန်တွင် ဗိုင်းရပ်စ်ကူးစက်ကြောင်း အတည်ပြုမှု ၈၀၀၀ ကျော်နှင့် သေဆုံးသူ ၄၂၀ ကျော်ရှိထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
