PSG ၀ါရင့်တောင်ပံကစားသမား ဒီမာရီယာသည် ဘာစီလိုနာအသင်းနှင့်ကစားမည့် ချန်ပီယံလိဂ်ရှုံးထွက် (၁၆)သင်းအဆင့် ပထမအကျော့ပွဲစဉ်ကို လွဲချော်ဖွယ်ရှိနေကြောင်း သိရသည်။
အသက် (၃၂)နှစ်အရွယ်ရှိ ဒီမာရီယာသည် ဖေဖော်ဝါရီ (၇)ရက်က ကစားခဲ့သည့် ပြင်သစ်လီဂူးပွဲစဉ် မာဆေးလ် (၀-၂) PSG ပွဲတွင် ပေါင်ဒဏ်ရာရရှိခဲ့ပြီး ပွဲချိန် (၁၁)မိနစ်၌ ဆာရာဘီယာနှင့် လူစားလဲခဲ့ရသည်။
ထို့ကြောင့် PSG နည်းပြ ပိုချက်တီနိုက ပေါင်ဒဏ်ရာရရှိထားသည့် ဒီမာရီယာအနေဖြင့် ဖေဖော်ဝါရီ (၁၆)ရက်တွင် ကစားမည့် ဘာစီလိုနာအသင်းနှင့် ချန်ပီယံလိဂ်ရှုံးထွက် (၁၆)သင်းအဆင့် ပထမအကျော့ပွဲစဉ်ကို လွဲချော်ဖွယ်ရှိနေကြောင်း ပြောကြားခဲ့သည်။
ပိုချက်တီနိုက "ဒီမာရီယာအနေနဲ့ ဘာစီလိုနာအသင်းနဲ့ပွဲမှာ ပါဝင်ကစားဖွယ် မရှိပါဘူး။ ကျွန်တော်တို့အနေနဲ့ သူ့ရဲ့အခြေအနေနဲ့ ပတ်သက်ပြီး စောင့်ကြည့်နေပါတယ်။ ကျွန်တော်တို့အနေနဲ့ ပွဲစဉ်တိုင်းမှာ အကောင်းဆုံးလူစာရင်းနဲ့ ယှဉ်ပြိုင်ဖို့ ကြိုးစားနေပါတယ်။ ဒီမာရီယာဟာ ကျွန်တော်တို့အတွက် အရမ်းအရေးပါတဲ့ ကစားသမားတစ်ဦးပါ။ ဒါပေမဲ့ ကျွန်တော်တို့အသင်းမှာ ကစားသမားကောင်းတွေ အများကြီး ရှိပါတယ်"ဟု ပြောကြားခဲ့သည်။
PSG အသင်း၏ ဆေးအဖွဲ့သည် ဒီမာရီယာ၏ ဒဏ်ရာအခြေအနေကို စစ်ဆေးနေဆဲဖြစ်ပြီး မည်မျှအနားယူရမည်ကို ထုတ်ပြန်ခြင်း မရှိသေးပေ။
ဒီမာရီယာသည် ယခုရာသီတွင် PSG အသင်းအတွက် ပြိုင်ပွဲစုံ (၂၅)ပွဲတွင် (၅)ဂိုး သွင်းယူထားကာ ဂိုးဖန်တီးမှု (၁၂)ကြိမ် ပြုလုပ်ထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
