မြန်မာနိုင်ငံဘောလုံးအဖွဲ့ချုပ် (MFF) သည် ယခုနှစ်အတွင်း နိုင်ငံတကာပြိုင်ပွဲများယှဉ်ပြိုင်ရန် ဖွဲ့စည်းထားသည့် မြန်မာ ယူ-၁၉ အသင်းကို ရေရှည်စီမံကိန်းဖြင့် ဖွဲ့စည်း၍ ပြိုင်ပွဲများ ယှဉ်ပြိုင်သွားရန် စီစဉ်ထားကြောင်း သိရသည်။
MFF သည် မြန်မာ ယူ-၁၉ အသင်းကို လာမည့်နှစ် MNL-2 (ပထမတန်း) အမှတ် ပေးပြိုင်ပွဲ$ ဝင်ရောက်ယှဉ်ပြိုင်စေရန် စီစဉ်ထားပြီး ၂၀၂၀ အာရှ ယူ-၁၉ ခြေစစ်ပွဲအပြီး တွင်လည်း ဆက်လက်ပြင်ဆင်သွားမည်ဖြစ်သည်။
မြန်မာ ယူ-၁၉ အသင်းသည် MFF Youth အသင်းအမည်ဖြင့် ၂၀၁၈ ရာသီနှင့် ၂၀၁၉ ရာသီ MNL ယူ-၂၁ အမှတ်ပေးပြိုင်ပွဲ ၌ ဝင်ရောက်ယှဉ်ပြိုင်ခဲ့ရာ ပြီးခဲ့သည့်ရာသီ တွင် ချန်ပီယံဆုရရှိခဲ့သည်။
ထို့ကြောင့် MFF သည် မြန်မာ ယူ-၁၉ အသင်းမှ ကစားသမားများ အတွေ့အကြုံရစေရန် ယူ-၂၁ လိဂ်ပြိုင်ပွဲထက် ပိုမိုအဆင့်မြင့်မားသည့် MNL-2 ပြိုင်ပွဲတွင် ဝင်ရောက်ယှဉ်ပြိုင်ရန် ဆုံးဖြတ်ခဲ့ခြင်း ဖြစ်သည်။
မြန်မာ ယူ-၁၉ အသင်းကို နည်းပြချုပ်အဖြစ် ဦးစိုးမြတ်မင်းက ကိုင်တွယ်နေပြီး ကစားသမား ၃၀ ဝန်းကျင်ဖြင့် ဖွဲ့စည်းထားသည်။
မြန်မာ ယူ-၁၉ အသင်းသည် ယခုနှစ်အတွင်း နိုင်ငံတကာပြိုင်ပွဲများစွာ ဝင်ရောက်ယှဉ်ပြိုင်ခဲ့သလို MNL ယူ-၂၁ လိဂ်ပြိုင်ပွဲတွင် လည်း ယှဉ်ပြိုင်ခဲ့သည်။
မြန်မာ ယူ-၁၉ အသင်းသည် နိုဝင်ဘာ ၆ ရက်မှ ၁၀ ရက်အထိ မြန်မာနိုင်ငံက အိမ်ရှင်အဖြစ် လက်ခံကျင်းပမည့် ၂၀၂၀ အာရှ ယူ-၁၉ ခြေစစ်ပွဲအတွက် လေ့ကျင့်ပြင်ဆင်လျက်ရှိပြီး ယခုနှစ်အတွက် နောက်ဆုံးယှဉ်ပြိုင် သည့်ပြိုင်ပွဲလည်းဖြစ်သည်။
မြန်မာ ယူ-၁၉ အသင်းသည် ယခုနှစ်အတွင်း ချန်ပီယံဆု နှစ်ကြိမ်၊ ဒုတိယဆုတစ်ကြိမ် ရရှိထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
