ရီးယဲလ်အသင်းနည်းပြ ဇီဒန်းက မက်ဆီအား ဘာစီလိုနာအသင်းတွင် ဆက်ရှိနေစေလိုသည်ဟု ပြောကြားခဲ့သည်။
အသက် (၃၃)နှစ်အရွယ်ရှိ အာဂျင်တီးနားတိုက်စစ်မှူး မက်ဆီသည် ယခုရာသီကုန်တွင် ဘာစီလိုနာအသင်းနှင့် စာချုပ်သက်တမ်းကုန်ဆုံးမည်ဖြစ်ပြီး ၎င်းကို ခေါ်ယူရန် မန်စီးတီးနှင့် PSG အသင်းတို့က စိတ်ဝင်စားနေကြောင်း သိရသည်။
မက်ဆီက ၎င်း၏အနာဂတ်ကို ယခုရာသီကုန်တွင် ဆုံးဖြတ်မည်ဟု ပြောကြားသော်လည်း စပိန်မီဒီယာများကမူ မက်ဆီအနေဖြင့် လာမည့်နွေရာသီအပြောင်းအရွှေ့ကာလတွင် အသင်းမှထွက်ခွာဖွယ်ရှိနေသည်ဟု ဖော်ပြနေကြသည်။
သို့သော် ရီးယဲလ်နည်းပြ ဇီဒန်းက မိမိအနေဖြင့် မက်ဆီကို ဘာစီလိုနာအသင်းတွင်သာ ဆက်ရှိနေစေလိုကြောင်း သောကြာနေ့က ပြုလုပ်သည့် El Clasico ပွဲကြိုမီဒီယာတွေ့ဆုံမှုတွင် ပြောကြားခဲ့သည်။
ဇီဒန်းက "စနေနေ့ကစားမယ့်(ရီးယဲလ် - ဘာစီလိုနာ)ပွဲဟာ မက်ဆီအတွက် နောက်ဆုံး El Clasico ပွဲမဖြစ်စေချင်ပါဘူး။ မက်ဆီကို ဘာစီလိုနာအသင်းမှာပဲ ကျွန်တော် ဆက်မြင်ချင်ပါတယ်။ ဘာစီလိုနာအသင်းမှာ မက်ဆီ အဆင်ပြေနေပါတယ်။ ဘာစီလိုနာအသင်းမှာ မက်ဆီ ဆက်နေတာက လာလီဂါအတွက်ပါ ကောင်းပါတယ်"ဟု ပြောကြားခဲ့သည်။
ထို့ပြင် ဇီဒန်းက မက်ဆီအနေဖြင့် ၂၀၁၇-၁၈ ရာသီနောက်ပိုင်းတွင် El Clasico ပွဲစဉ်များ၌ ဂိုးသွင်းနိုင်ခြင်းမရှိသေးသာ်လည်း မက်ဆီမှာ ကြီးကျယ်ခမ်းနားသည့်ကစားသမားဖြစ်ကြောင်းလည်း ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
