တောင်ကြီးမြို့၊ မြစံပယ်ခန်းမရှေ့၌ ယာဉ်လေးစီးဆင့်တိုက်မှု ဖြစ်ပွားခဲ့ပြီး၊ ထိခိုက်သူလေးဦးကို စဝ်စံထွန်း ဆေးရုံသို့ ပို့ဆောင်ထားကြောင်း ယာဉ်ထိန်းရဲတပ်ဖွဲ့ထံမှ ကနဦးဖြစ်စဉ် သတင်းရရှိသည်။
တောင်ကြီးမြို့၊ မြစံပယ် မင်္ဂလာခန်းမရှေ့၊ ဗိုလ်ချုပ်အောင်ဆန်းလမ်းမကြီးပေါ်၌ နိုဝင်ဘာလ (၂၅) ရက် ညပိုင်း ၉ နာရီခွဲတွင် ယာဉ်တိုက်မှုဖြစ်ပွားခဲ့ပြီး၊ မော်တော်ယာဉ်လေးစီးနှင့် စားစရာပို့ဆောင်သော မော်တော်ဆိုင်ကယ်တစ်စီးတို့ ပျက်စီးခဲ့ပြီး၊ လူလေးဦးကို ဆေးရုံပို့ဆောင်ထားရကြောင်း သိရသည်။
ယာဉ်တိုက်မှုကြောင့် အမျိုးသား၊ အမျိုးသမီး စုစုပေါင်းလေးဦး ထိခိုက်ဒဏ်ရာရရှိခဲ့ပြီး၊ ဒဏ်ရာမစိုးရိမ်ရကြောင်း၊ သတိလစ်သူတစ်ဦးရှိကြောင်း၊ တောင်ကြီးမြို့ စဝ်စံထွန်းဆေးရုံသို့ ပို့ဆောင်ထားရကြောင်း ကြက်ခြေနီတပ်ဖွဲ့ဝင်များထံမှ သိရသည်။
အဆိုပါထိခိုက်ခဲ့သော မော်တော်ယာဉ်များကို ကရိန်းကားနှစ်စီးဖြင့် လာရောက်တင်ဆောင်ခဲ့ပြီး၊ အပျက်အစီး အပိုင်းအစများကို ညတွင်းချင်း ရှင်းလင်းဖယ်ရှားခဲ့ကြောင်း သိရသည်။
ဖြစ်စဉ်အသေးစိတ်ကို စုံစမ်းနေဆဲဖြစ်ပြီး၊ တောင်ကြီးမြို့မရဲစခန်း၌ အမှုဖွင့်နိုင်ရန် ဆောင်ရွက်လျက်ရှိကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
