COVID-19 ကူးစက်မှုများ တစ်ရှိန်ထိုးမြင့်တက်နေပြီး အများပြည်သူဆိုင်ရာ ကျန်းမာရေးအန္တရာယ် ရုတ်တရက်ဖြစ်သွားနိုင်ကြောင်း ဝေဖန်သူများက သတိပေးထားစဉ် အင်ဒိုနီးရှား၏မြို့တော် ဂျကာတာတွင် တင်းကျပ်သော လူမှုဆိုင်ရာကန့်သတ်ချက် စည်းမျဉ်းများ အသက်ဝင်စေရန်အတွက် စစ်သားများနှင့် ရဲများက ဧပြီ ၁၀ တွင် လမ်းများပေါ်၌ ကင်းလှည့်ခဲ့ကြသည်။
လူ ၅ ဦးထက်ပို၍ စုဝေးမှုအား ပိတ်ပင်ခြင်း၊ စားသောက်ဆိုင်များအား အွန်လိုင်းမှ ပို့ဆောင်မှာယူစနစ် လုပ်ဆောင်ရန်ကန့်သတ်ခြင်းနှင့် အများပြည်သူသယ်ယူပို့ဆောင်မှုအား လျှော့ချခြင်းတို့ ပါဝင်သည့် စည်းမျဉ်းအသစ်များအား ချိုးဖောက်သူများသည် ကြီးလေးသော ငွေဒဏ်များနှင့် ထောင်ဒဏ် ၁ နှစ်အထိ ချမှတ်ခံရနိုင်သည်။
လူဦးရေ သန်း ၃၀ ခန့်ရှိသော မြို့ကြီး ဂျကာတာတွင် ဆိုင်ကယ်ကယ်ရီများအား ခရီးသည်တင်ဆောင်မှုမှ ပိတ်ပင်ပြီး ဒေသခံများကို နေထိုင်ထဲတွင်သာ နေကြရန် ညွှန်ကြားခဲ့သည်။
ဗလီများနှင့် အခြားဝတ်ပြုသည့် နေရာများအား အနည်းဆုံး နောက်ထပ် ၂ ပတ်ကြာ ပိတ်ထားရန်လည်း ညွှန်ကြားခဲ့သည်။
ကမ္ဘာတွင် လူဦးရေ စတုတ္ထမြောက် အများဆုံးနိုင်ငံ၌ ကိုရိုနာဗိုင်းရပ်စ်ကြောင့် သေဆုံးသူအရေအတွက် တစ်ရှိန်ထိုးမြင့်တက်ခဲ့သောကြောင့် သမ္မတ ဂျိုကိုဝီဒိုဒိုက ပြီးခဲ့သောလတွင် အရေးပေါ်အခြေအနေ ကြေညာခဲ့သော်လည်း အရှေ့တောင်အာရှ၏ အကြီးဆုံးစီးပွားရေး ပြိုလဲသွားမည်ကို စိုးရိမ်သောကြောင့် နိုင်ငံတစ်ဝန်း Lockdown ပြုလုပ်ရန် တောင်းဆိုမှုများကို တင်းခံထားဆဲဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
