မလေးရှားတွင် အသွားအလာကန့်သတ်ထိန်းချုပ်ထားမှု ညွှန်ကြားချက်အား ဧပြီ ၂၈ အထိ နောက်ထပ် ၁၄ ရက် သက်တမ်းတိုးရန် ဆုံးဖြတ်ခဲ့ကြောင်း ဝန်ကြီးချုပ် မူယက်ဒင်ယက်ဆင်က ဧပြီ ၁၀ တွင် မိန့်ခွန်း၌ ထည့်သွင်းပြောကြားခဲ့သည်။
ယင်းကဲ့သို့ သက်တမ်းတိုးမှုသည် COVID-19 ပျံ့နှံ့မှုအား တိုက်ဖျက်ရန်နှင့် ကူးစက်မှု တစ်ကျော့ပြန်ဖြစ်လာမှုမှ ကြိုတင်ကာကွယ်ရန်အတွက် လုံးပန်းနေကြသည့် ဆေးဘက်ဆိုင်ရာဝန်ထမ်းများအတွက် အသက်ရှူချောင်စေမည်ဖြစ်ကြောင်း ကျန်းမာရေးဝန်ကြီးဌာနနှင့် ဆေးဘက်ဆိုင်ရာ ကျွမ်းကျင်သူများ၏ အကြံပြုချက်ကို အခြေခံ၍ဆုံးဖြတ်ခဲ့ကြောင်း မူယက်ဒင်က ပြောကြားခဲ့သည်။
ထိုကန့်သတ်မှုများသည် ကပ်ရောဂါပျံ့နှံ့မှုအား လျှော့ချရာတွင် ကူညီပေးခဲ့ပြီး ရောဂါကူးစက်ခံရမှု မြင့်တက်လာသည့် အနေအထားအား ၇ ရာခိုင်နှုန်း၌ ထိန်းထားနိုင်ခဲ့ကာ ကမ္ဘာ့ကျန်းမာရေးအဖွဲ့၏ စံဖြစ်သော ၁၀ ရာခိုင်နှုန်းအောက် နည်းပါးနေကြောင်း ဝန်ကြီးချုပ်က ပြောကြားခဲ့သည်။
မလေးရှားတွင် COVID-19 ကြောင့် သေဆုံးသူအရေအတွက်သည် ၁.၆ ရာခိုင်နှုန်းရှိမှုကြောင့် WHO က သတ်မှတ်ထားသည့် ပျမ်းမျှ ၅.၈ ရာခိုင်နှုန်းထက် နည်းပါးနေကြောင်း ၎င်းက ပြောကြားခဲ့သည်။
မလေးရှားတွင် ဧပြီ ၁၀ ၌ ကိုရိုနာဗိုင်းရပ်စ်ကူးစက်သူသစ် ၁၁၈ ဦးရှိသောကြောင့် နိုင်ငံတစ်ဝန်း ကူးစက်သူ စုစုပေါင်း ၄၃၄၆ ဦးအထိ ရှိလာခဲ့သည်။ လူ ၃ ဦးထပ်မံသေဆုံးခဲ့သောကြောင့် နိုင်ငံတစ်ဝန်း သေဆုံးသူ စုစုပေါင်း ၇၀ အထိ ရှိလာခဲ့သည်။ သက်သာပျောက်ကင်းသွားသူ ၂၂၂ ဦးရှိသောကြောင့် နိုင်ငံတစ်ဝန်းဆေးရုံမှ ဆင်းသွားသူဦးရေ ၁၈၃၀ ရှိကြောင်း ကျန်းမာရေးဝန်ကြီးဌာနက ထုတ်ပြန်ခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
