ဗြိတိန်ဝန်ကြီးချုပ် ဘောရစ်ဂျွန်ဆင်သည် COVID-19 ရောဂါလက္ခဏာများ မသက်သာသည့်အတွက် အထူးကြပ်မတ်ကုသဆောင်တွင် သုံးရက်ကြာ ကုသမှု ခံယူခဲ့ပြီးနောက် ဧပြီ ၉ တွင် ပုံမှန်ကုသဆောင်သို့ ပြန်လည်ရွှေ့ပြောင်း၍ ကုသမှု ခံနေကြောင်း ဝန်ကြီးချုပ်ရုံးက ကြေညာချက်ထုတ်ပြန်ခဲ့သည်။
လန်ဒန်အလယ်ပိုင်း စိန့်တောမတ်ဆေးရုံ၏ ပုံမှန်ကုသဆောင်သို့ ဂျွန်ဆင်ကို ရွှေ့ပြောင်းခဲ့ပြီး ဆက်လက်ကုသမှုပေးနေကြောင်း ဝန်ကြီးချုပ်ရုံး၏ ကြေညာချက်က ဆိုသည်။
မကြာသေးခင် သီတင်းပတ်များအတွင်း ကိုရိုနာဗိုင်းရပ်စ် ကူးစက်ဖြစ်ပွားမှုကို ဆိုးဆိုးဝါးဝါးခံနေရသည့် ဗြိတိန်အတွက် ဂျွန်ဆင်၏ ပြန်လည်နာလန်ထူမှု သတင်းက အားတက်စရာဖြစ်ခဲ့သည်။
ဗြိတိန်တွင် ကိုရိုနာဗိုင်းရပ်စ်ကူးစက်ခံထားရသူ ၆၅,၀၀၀ ကျော် ရှိပြီး ယင်းတို့အနက် ၇,၁၀၀ ကျော် သေဆုံးခဲ့ကြောင်း ဧပြီ ၉ ရက်အထိ ဂျွန်ဟော့ကင်းတက္ကသိုလ်၏ စာရင်းများက ဖော်ပြထားသည်။
ဂျွန်ဆင်သည် ဗြိတိန်တွင် ဗိုင်းရပ်စ်ကူးစက်ခံရသော အထင်ရှားဆုံးပုဂ္ဂိုလ်ဖြစ်ပြီး မတ် ၂၆ တွင် ရောဂါကို စတင်ကုသမှု ခံယူခဲ့ပြီး ၁၀ ရက်ကြာသည်အထိ ချောင်းဆိုးနှင့် အဖျား မသက်သာခဲ့သဖြင့် ဧပြီ ၅ တွင် ဆေးရုံသို့ တက်ရောက် ကုသမှုခံယူခဲ့ခြင်း ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
