လှည်းကူးမြို့နယ် ရွှေကြာကန်ကျေးရွာတွင် ဖြစ်ပွားခဲ့သည့် သုံးလောင်းပြိုင် လူသတ်မှုဖြစ်စဉ်မှ အမျိုးသားတစ်ဦးအား ဖမ်းဆီးစစ်ဆေးနေကြောင်း ဖေဖော်ဝါရီ ၁၁ ရက်တွင် မြောက်ပိုင်းခရိုင်ရဲတပ်ဖွဲ့မှ စုံစမ်းသိရှိရသည်။
အဆိုပါ အမျိုးသားအား လက်ရှိအချိန်တွင် မသင်္ကာဖွယ်ဖြစ်သဖြင့် ဆက်လက် စစ်ဆေးနေကြောင်း မြောက်ပိုင်းခရိုင်ရဲတပ်ဖွဲ့မှ ရဲအရာရှိတစ်ဦး၏ ပြောကြားချက်အရသိရသည်။
ဖမ်းဆီးစစ်ဆေးနေသည့် အမျိုးသားမှာ သေဆုံးသူ သုံးဦးနှင့် အခင်းဖြစ်ပွားရာည ဇန်နဝါရီ ၃၁ ရက်က စကားများရန်ဖြစ်ပြီး တုတ်ဖြင့် ရိုက်ခံရသဖြင့် နေအိမ်သို့ပြန်ကာ ဓားယူပြီး ပြစ်မှုကျုးလွန်ခဲ့ခြင်း ဖြစ်ကြောင်း ရဲတပ်ဖွဲ့၏ ကနဦးစစ်ဆေးချက်များအရ သိရသည်။
ဖြစ်စဉ်မှာ ဖေဖော်ဝါရီ ၁ ရက် နံနက် ၄ နာရီခွဲခန့်သည် ဦး...သည် ဆိုင်မှ နေအိမ်သို့ ပြန်လာစဉ် နေအိမ်၌ အမြွှာသားနှစ်ဦးနှင့် သမက်တစ်ဦးအား ဒဏ်ရာများဖြင့် သေဆုံး နေသည်ကို တွေ့ရှိခဲ့ကြောင်း၊ ယင်းသို့တွေ့ သဖြင့် သက်ဆိုင်ရာ တာဝန်ရှိသူများအား အကြောင်းကြားခဲ့ခြင်းဖြစ်ကြောင်း သိရသည်။
အခင်းဖြစ်ပွားသည့်အချိန်မှာ ဇန်နဝါရီ ည ၁၂ နာရီဝန်းကျင်ခန့်က ဖြစ်နိုင်သည်ဟု ပတ်ဝန်းကျင်မှ စုံစမ်းသိရှိရပြီး အခင်းဖြစ်ပွားသည့်နေရာမှာ လူသွားလူလာနည်းပါးကြောင်း၊ သေဆုံးသူ အမြွှာညီအစ်ကိုနှစ်ဦး၏ ဖခင်မှာ အခင်းဖြစ်ပွားသည့် လမ်းထိပ်တွင် ထမင်းဆိုင်ဖွင့်ထားကြောင်း၊ ရန်ငြိုးရန်စ ပြဿနာများကြောင့် ဖြစ်နိုင်ကြောင်း ပတ်ဝန်းကျင်မှ စုံစမ်းသိရှိရသည်။
အဆိုပါဖြစ်စဉ်အား သက်ဆိုင်ရာရဲ စခန်းက ရာဇသတ်ကြီးပုဒ်မ-၃၀၂ ဖြင့် ကနဦး အမှုဖွင့်ထားကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
