ထိုင်းနိုင်ငံ ဘန်ကောက်မြို့တော် အပြင်ဘက်ရှိ ဆောက်လုပ်ရေးလုပ်ငန်းခွင်တစ်ခုတွင် နိုဝင်ဘာ ၂၉ ရက်က ကရိန်းတစ်ခုပြိုကျခဲ့သဖြင့် အလုပ်သမားသုံးဦး သေဆုံးပြီး ၁၀ ဦး ဒဏ်ရာရရှိသွားခဲ့ကြောင်း ရဲတပ်ဖွဲ့က ပြောကြားခဲ့သည်။
အဆိုပါမတော်တဆမှုသည် ဘန်ကောက်မြို့တော်အနောက်ဘက် ဆမတ်ဆာခွန်းမြို့ရှိ ခုံးကျော်တံတားတစ်ခု ဆောက်လုပ်ရေးလုပ်ငန်းခွင်အတွင်း နိုဝင်ဘာ ၂၉ ရက်နံနက်အစောပိုင်းက ဖြစ်ပွားခဲ့ခြင်းဖြစ်သည်။
ထိုမတော်မဆမှုကြောင့် အလုပ်သမားသုံးဦး ပွဲချင်းပြီးသေဆုံးခဲ့ကာ ၁၀ ဦး ဒဏ်ရာရခဲ့ပြီး ဒဏ်ရာရသူအချို့သည် စိုးရိမ်ရသည့်အခြေအနေတွင်ရှိသည်ဟု ဆမတ်ဆာခွန်းရဲတပ်ဖွဲ့၏ တာဝန်ရှိသူ ဒက်ချန်နာကွန်းချန်သာဖွမ်က ပြောကြားခဲ့သည်။
“အလောင်းသုံးလောင်းကို ကျွန်တော်တို့တွေ့ခဲ့ပါတယ်” ဟု ၎င်းက ပြောကြားခဲ့သည်။
အဆိုပါကရိန်းပြိုကျမှုဖြစ်စဉ်ကို အင်ဂျင်နီယာများနှင့် ရဲတပ်ဖွဲ့က စုံစမ်းစစ်ဆေးနေသည်။
ထိုင်းနိုင်ငံ၏ ဆောက်လုပ်ရေးလုပ်ငန်းခွင်များတွင် ခွင့်ပြုမိန့်မရဘဲ ဆောက်လုပ်မှုများနှင့် ဘေးကင်းလုံခြုံရေးစည်းကမ်းများကို မလိုက်နာမှုကြောင့် မတော်တဆမှုများ ဖြစ်ပွားလေ့ရှိသည်။
မတ်လကလည်း ဘန်ကောက်မြို့တော်အရှေ့ဘက် ဆောက်လုပ်ရေးလုပ်ငန်းခွင်တစ်ခုတွင် ကရိန်းပြိုကျမှုကြောင့် လူခုနစ်ဦး သေဆုံးခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
