Top News

တပ်မတော်ရေ၏ ပစ်ခတ်မှုကြောင့် နှစ်နိုင်ငံနယ်စပ်ဒေသအနီး ငါးဖမ်းနေသည့် ဘင်္ဂလားဒေ့ရှ်နိုင်ငံသားတစ်ဦး ဒဏ်ရာရရှိခဲ့သည်ဆိုသောနေ့တွင် အဆိုပါနေရာ၌ စစ် တပ်မတော်(ရေ)၏မည်သည့်စစ်ရေယာဉ်မျှ မရှိကြောင်း နိုင်ငံတော်စီမံအုပ်ချုပ်ရေး ကောင်စီ သတင်းထုတ်ပြန်ရေးအဖွဲ့က ထုတ်ပြန်သည်။

ဘင်္ဂလားဒေ့ရှ်နိုင်ငံမှ ငါးဖမ်းစက်လှေတစ်စီးသည် မြန်မာ-ဘင်္ဂလားဒေ့ရှ် နှစ်နိုင်ငံနယ်စပ်ဒေသ၊ ကော့ဘဇားရှိ စိန့်မာတင် (St Martin) ကျွန်းအနီး နိုဝင်ဘာလ ၂၇ ရက်တွင် ငါးဖမ်းနေစဉ် မြန်မာ့တပ်မတော်(ရေ)မှ ပစ် ခတ်မှုကြောင့်ဘင်္ဂလားဒေ့ရှ် နိုင်ငံသားတစ်ဦး ကျည်ထိမှန်ဒဏ်ရာရရှိခဲ့သည်ဟူ၍ အဆိုပါနိုင်ငံရှိ http://www.Dhakatribune.com/Bangladesh/nation/366945/Bangladeshi-fisherm...၌ ရေးသားဖော်ပြလျက်ရှိသည်ကိုတွေ့ရှိရကြောင်း နစက၏ ထုတ်ပြန်မှု အရသိရသည်။

အဆိုပါသတင်းနှင့်ပတ်သက်၍ စိစစ်ခဲ့ရာ ဘင်္ဂလားဒေ့ရှ်နိုင်ငံ မီဒီယာများ၌ ဖော်ပြထားသည့် နိုဝင်ဘာလ ၂၇ ရက်တွင် ယင်းနေရာ၌ မည်သည့် မြန်မာ့တပ်မတော်(ရေ)မှ စစ်ရေယာဉ်များမရှိဘဲ နေ့လယ် ၁ နာရီ ၄၅ မိနစ်ချိန်ခန့်၌ စစ်တွေဘက်မှ ရေ/ရိက္ခာ ဖြည့်ဆည်းပြီး ပြန်လည်ထွက်ခွာလာသည့် စစ်ရေယာဉ်တစ်စီးသာ မြောက်လတ္တီကျု ၂၀ ဒီဂရီ ၃၄ ဒသမ ၁ နှင့် အရှေ့လောင်တီကျု ၉၂ ဒီဂရီ ၂၆ ဒသမ ၇ မိနစ် မြင်းလွတ်ရွာ၏အနောက်တောင်ဘက် ၅ မိုင်ခန့်အကွာ၌ရောက်ရှိ အခြေပြုလျက်ရှိကြောင်း သိရသည်။

အထက်ပါကဲ့သို့ ဖြစ်စဉ်များသည် နှစ် နိုင်ငံနယ်ခြားစောင့်တပ်အချင်းချင်း အောက်ခြေအဆင့် ညှိနှိုင်းဖြေရှင်းနိုင်သော်လည်း မီဒီယာများမှ နှစ်နိုင်ငံအစိုးရချင်း၊ ပြည်သူအ ချင်းချင်းရှိပြီးချစ်ကြည်ရင်းနှီးမှုအား ပျက်ပြားစေရန်နှင့် အနှောင့်အယှက်ဖြစ်စေရန် ရည်ရွယ်လုပ်ဆောင်နေခြင်းဖြစ်နိုင်သဖြင့် နှစ်နိုင်ငံဆက်ဆံရေး ထိခိုက်မှု၊ ပျက်ပြားမှု မရှိစေရေး နယ်စပ်ဒေသဆက်ဆံရေးအား မြန်မာနိုင်ငံအစိုးရဘက်ကလည်း သတိပြု ဆောင်ရွက်လျက်ရှိကြောင်း သိရသည်။