မုဒုံမြို့၊ မြို့မ (၁) ရပ်ကွက်ရှိ မုဒုံမြို့မရဲစခန်းတွင် ယနေ့ နိုဝင်ဘာ ၁၉ ရက် မွန်းတည့် ၁၂ နာရီဝန်းကျင်ခန့်က Drone ဖြင့် Drop Bomb ချ တိုက်ခိုက်ခံခဲ့ရပြီး၊ အမျိုးသမီးတစ်ဦး ထိခိုက်ဒဏ်ရာရရှိခဲ့ကြောင်း မြို့ခံများထံမှ သိရသည်။
မုဒုံမြို့မရဲစခန်းတိုက်ခီုက်ခံရမှုတွင် Drop Bomb မှာ ရဲစခန်းဝင်းအတွင်းရှိ လက်ဖက်ရည်ဆိုင်အပေါ်သို့ ကျရောက်ပေါက်ကွဲခဲ့ပြီး၊ လက်ဖက်ရည်ဆိုင်အမိုး သုံး ပေခန့် ပေါက်ပြဲပျက်ဆီးခဲ့ကာ ဆိုင်အတွင်းရှိ အမျိုးသမီးတစ်ဦး ထိခိုက်ဒဏ်ရာများရရှိခဲ့ကြောင်း မုဒုံမြို့ခံတစ်ဦးကပြောကြားသည်။
၎င်းကဆက်လင်ပြီး "ဒဏ်ရာရသွားတဲ့ အမျိုးသမီးက မသင်းသဇင်ဖူးလို့ သိရတယ်။ သူ့မှာ ဦးခေါင်း ပေါက်ပြဲဒဏ်ရာနဲ့ ညာဘက်ပုခုံးတွေမှာ ထိခိုက်ဒဏ်ရာရသွားတယ်လို့ သိရပါတယ်" ဟု ပြောကြားသည်။
Drop Bomb ဖြင့်တိုက်ခိုက်ခံရပြီး ထိခိုက်ဒဏ်ရာရရှိခဲ့သည့် မသင်းသဇင်ဖူးအား လူမှုကူညီရေးအဖွဲ့က မုဒုံမြို့နယ်ပြည်သူ့ဆေးရုံသို့ ပို့ဆောင်ပေးခဲ့သည်ဟု သိရကြောင်း ၎င်းမြို့ခံကဆိုသည်။
ထိုသို့ မုဒုံမြို့မရဲစခန်း Drop Bomb ဖြင့်တိုက်ခိုက်ခံရပြီးနောက် မုဒုံမြို့ အဝင်အထွက်နေရာများတွင် လုံခြုံရေးတိုးမြှင့်ကာ စစ်ဆေးမှုများ လုပ်ဆောင်နေကြောင်းလည်း မြို့ခံများ၏ ပြောကြားချက်များအရ သိရသည်။
စက်တင်ဘာ ၂၀ ရက် နံနက်ပိုင်းက မုဒုံမြို့၊ မြို့မ (၁) ရပ်ကွက်၊ မော်လမြိုင် - သံဖြူဇရပ်ကားလမ်း သံတံတားအနီးတွင်ရှိ အသံမိုင်းပေါက်ကွဲမှုဖြစ်ပွားခဲ့သေးကြောင်း မြို့ခံများထံမှ သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
