ပဲခူးတိုင်းဒေသကြီး (အနောက်ပိုင်း) သာယာဝတီခရိုင် နတ္တလင်းမြို့နယ်အတွင်း လေပြင်းတိုက်ခတ်မှုကြောင့် ဘုန်းတော်ကြီးကျောင်း၊ စာသင်ကျောင်းနှင့် လူနေအိမ် ၂၀၀ နီးပါး အမိုးလန်ပျက်စီးခဲ့ပြီး နေအိမ် ၁၀ လုံး ပြိုလဲပျက်စီးခဲ့ကြောင်း သိရသည်။
အဆိုပါ မြို့နယ်အတွင်း မေ ၄ ရက် ည နေ ၆ နာရီခွဲခန့်က မိုးသည်းထန်စွာ ရွာသွန်းပြီး လေပြင်းတိုက်ခတ်မှုကြောင့် ဇီးကုန်းကလေးရပ်ကွက်၊ သာဇီရပ်ကွက်၊ ထိန်သေးကျေးရွာအုပ်စု၊ အုတ်တန်းကျေးရွာ အုပ်စု၊ သက်ငယ်ပြင်ကျေးရွာအုပ်စု၊ ရွာသာကုန်းကျေးရွာအုပ်စု၊ ကျောက်ခွက်ကျေး ရွာအုပ်စု၊ တံခွန်တိုင်ကျေးရွာအုပ်စုတို့နှင့် သရက်ပင်တစ်ပင်ဘုန်းတော်ကြီးကျောင်း၊ မြို့မရပ်ကွက် အ.ထ.က(မြို့မ)၊ ကျောင်းတို့တွင် အမိုးလန်ပျက်စီးမှုနှင့် နေအိမ်ပြိုလဲ ပျက်စီးမှုတို့ ဖြစ်ပွားခဲ့ခြင်းဖြစ်ကြောင်း ရဲမှတ်တမ်းများအရ သိရသည်။
“ဖြစ်တာကတော့ မီးရထားလမ်းပေါ့။ သစ်ပင်ဆယ့်ခုနှစ်ပင်လောက် ပိတ်နေတာကို ကျွန်တော်တို့ တာဝန်ရှိသူတွေနဲ့ ၀ိုင်းပြီး ရှင်းလိုက်ရတယ်။ ညဆယ်နာရီလောက်မှာမှ ရထားက ထွက်နိုင်တယ်။ ဗြူးကုန်းက အိမ်တွေ မြို့မအထက်တန်းကျောင်း အမိုးတွေ လန်သွားတယ်။ ဆက်တိုက်မှာစိုးလို့ဆိုပြီး မန္တလေးကျောင်းတိုက် ဓမ္မာရုံမှာ အမိုးလန်ပြိုလဲတဲ့ လူတွေကို ရွေ့ပြောင်းခဲ့ရတယ်။ အခု လက်ရှိအချိန်ထိတော့ မြို့မအထက် တန်းကျောင်းထဲက လဲနေတဲ့သစ်ပင်တွေကို တပ်မတော်ဘက်ကလာပြီး လုပ်အားပေးခဲ့ ပါတယ်” ဟု နတ္တလင်းမြို့နယ် မီးသတ်တပ်ဖွဲ့ ဒုတပ်ရင်းမှူး ကိုအောင်ကျော်(ခ)ကိုမိုး ကြီးက ပြောကြားသည်။
အဆိုပါ လေပြင်းတိုက်ခတ်မှုကြောင့် ဒေသခံပြည်သူ ၁၀၀ ခန့်ကို မန္တလေးကျောင်းတိုက် ဓမ္မာရုံတွင် ရွေ့ပြောင်းနေထိုင်စေပြီး စာသင်ကျောင်းအတွင်းနှင့် အခြားနေရာများရှိ လဲပြိုကျနေသော သစ်ပင်များကို ခုတ်ထွင်ရှင်လင်းခြင်းများ ဆောင်ရွက်လျက်ရှိကြောင်း သိရသည်။
“အိမ်အမိုးလန်တာတွေ ပြိုတဲ့ဟာတွေနဲ့ပတ်သက်ပြီးတော့ စာရင်းချုပ်နေတုန်းပဲ။ တစ်မြို့နယ်လုံး အတိုင်းအတာတော့ မရသေးဘူး ဒါနဲ့ပတ်သက်လို့ အစိုးရအဖွဲ့ကိုတင်ပြတာတွေ လူကယ်ပြန်အဖွဲ့ကို တင်ပြတာတွေ တော့လုပ်နေပါတယ်။ ရပ်ကျေးအုပ်ချုပ်ရေးမှူးတွေကနေ တစ်ဆင့် လိုပါတာတွေ ဆောင်ရွက်ပေးနေပါတယ်” ဟု နတ္တလင်းမြို့နယ် အုပ်ချုပ်ရေးမှူး ဦးဇေဝဏ္ဏလှိုင်ကဆိုသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
