ဆက်သွယ်ရေးလိမ်လည်မှုကျူးလွန်ကြောင်း သံသယရှိသူခြောက်ဦးအား မြန်မာနိုင်ငံမှ တရုတ်နိုင်ငံသို့ ဖမ်းဆီးပို့ဆောင်ခဲ့ကြောင်း မြန်မာနိုင်ငံဆိုင်ရာတရုတ်သံရုံးက သတင်းထုတ်ပြန်သည်။
ဇွန် ၁၉ ရက်တွင် လု၊ ချန်၊ တိန့် စသည့် ဆက်သွယ်ရေးလိမ်လည်မှုကျူးလွန်ကြောင်း သံသယရှိသူခြောက်ဦးအား မြန်မာနိုင်ငံရဲတပ်ဖွဲ့က တရုတ်နိုင်ငံရဲတပ်ဖွဲ့သို့ ရန်ကုန်အပြည်ပြည်ဆိုင်ရာလေဆိပ်၌ လွှဲပြောင်ပေးခဲ့ပြီး ယင်းနေ့တွင် တရုတ်နိုင်ငံသို့ ဖမ်းဆီးပို့ဆောင်ခဲ့ကြောင်း သိရသည်။
အဆိုပါခြောက်ဦးကို မြန်မာ-ထိုင်းနယ်စပ်၌ တရုတ်-မြန်မာ-ထိုင်းသုံးပွင့်ဆိုင် ဆက်သွယ်ရေးလိမ်လည်မှု နှိမ်နင်းရေးလှုပ်ရှားမှုအတွင်း ဖမ်းဆီးခဲ့ခြင်းဖြစ်ကြောင်း မြန်မာနိုင်ငံဆိုင်ရာတရုတ်သံရုံး၏ သတင်းထုတ်ပြန်မှုအရ သိရသည်။
ယခုဖြစ်စဉ်သည် နယ်စပ်ဖြတ်ကျော်ပြစ်မှုကျူးလွန်မှု၊ အထူးသဖြင့်လိမ်လည်မှု၊ လောင်းကစားရာဇဝတ်မှုများကို တရုတ်-မြန်မာ-ထိုင်းသုံးပွင့်ဆိုင် ပူးပေါင်းနှိမ်နင်းသည့် ခိုင်မာသောစိတ်ပိုင်းဖြတ်မှုနှင့် ဆန္ဒများကို ဖော်ပြနေကြောင်း တရုတ်သံရုံးက သတင်းထုတ်ပြန်သည်။
တရုတ်နိုင်ငံသည် မြန်မာနိုင်ငံ၊ ထိုင်းနိုင်ငံတို့နှင့် လက်တွေ့ကျသော တရားဥပဒေစိုးမိုးရေး ပူးပေါင်းဆောင်ရွက်မှုများကို ဆက်လက်မြှင့်တင်ပြီး ယင်းကဲ့သို့ပြစ်မှုကျူးလွန်မှုများကို တင်းကျပ်စွာနှိမ်နင်း၍ ပြည်သူလူထု၏ ပိုင်ဆိုင်မှုများ ဘေးကင်းလုံခြုံရေးကို လက်တွေ့ကာကွယ်စောင့်ရှောက်မည်ဖြစ်ကြောင်း တရုတ်သံရုံးက သတင်းထုတ်ပြန်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
