Top News

ကမ္ဘာလုံးဆိုင်ရာ COVID-19 ကာကွယ်ဆေး မျှဝေပေးရေး အစီအစဉ်ဖြစ်သည့် COVAX က ယခုနှစ်တွင် ဆင်းရဲသောနိုင်ငံများရှိ လူဦးရေ၏ ၂၀ ရာခိုင်နှုန်းကျော်ကိုကာကွယ်ဆေးထောက်ပံ့ပေးရန် မဖြစ်နိုင်တော့ ကြောင်း စက်တင်ဘာ ၈ ရက်က ပြောကြားခဲ့ပြီး ယင်းသည် ကနဦးကြိုတင်မျှော်မှန်းထားသည့် ကာကွယ်ဆေး ထောက်ပံ့မှုပမာဏ အောက်များစွာလျော့နည်းနေသည်။

လက်ရှိအချိန်၌ ယခုနှစ်အတွင်းဗိုင်းရပ်စ် ကာကွယ်ဆေးအလုံးရေ ၁.၄၅ ဘီလျံ ကိုသာ ဖြန့်ချိထောက်ပံ့နိုင်ရန် မျှော်လင့်ထားကြောင်း COVAX က ဝန်ခံပြောကြားခဲ့ပြီး ယင်းအရေအတွက်သည် ယခုနှစ်ကုန်မတိုင်မီကာ ကွယ်ဆေးအလုံးရေနှစ်ဘီလျံဖြန့်ချိ ထောက်ပံ့ရန် ရည်မှန်းချက်အောက်များစွာ လျော့ကျခဲ့သည်။

ယင်း ကာကွယ်ဆေးအလုံးရေ နှစ်ဘီလျံ ပမာဏ ဖြန့်ချိမှု မျှော်မှန်းချက်ကို ၂၀၂၂ ခု နှစ် ပထမသုံးလပတ်၌သာ ပြည့်မီလိမ့်မည် ဟု လက်ရှိအချိန်တွင် မျှော်မှန်းထားကြောင်း  COVAX အစီအစဉ်ကို ကျောထောက်နောက် ခံပြုထားသည့် ကမ္ဘာ့ကျန်းမာရေးအဖွဲ့၊Gavi ကာကွယ်ဆေး မဟာမိတ်နှင့် ကပ်ရောဂါကြို တင်ပြင်ဆင်မှုဆိုင်ရာ တီထွင်ဆန်းသစ်မှုညွန့် ပေါင်းအဖွဲ့(CEPI)က ပြောကြားခဲ့သည်။

ယခုနှစ်၏ ကာကွယ်ဆေးအလုံးရေအ ပြည့် ၁.၂ ဘီလျံသည် COVAX ၏ Advance Market Commitment ပရိုဂရမ် အောက်တွင် ရောက်ရှိမည်ဖြစ်ပြီး ယင်းပရိုဂ ရမ်၏ ရည်ရွယ်ချက်မှာ အလှူရှင်များကလှူ ဒါန်းထားသော COVID-19 ကာကွယ်ဆေး များကို ကမ္ဘာတစ်ဝန်းရှိဆင်းရဲသောနိုင်ငံ ၉၂ နိုင်ငံကို အခမဲ့ဖြန့်ချိပေးရန်ဖြစ်သည်။

“အိန္ဒိယကလွဲပြီး AMC စီးပွားရေး ၉၂ နိုင်ငံလုံးမှာ အရွယ်ရောက်ပြီးသူတွေရဲ့ ၄၀ ရာခိုင်နှုန်း ဒါမှမဟုတ် လူဦးရေရဲ့ ၂၀ ရာခိုင် နှုန်းကို ကာကွယ်ဖို့ အခုဖြန့်ချိတဲ့ ကာကွယ် ဆေး ၁.၂ ဘီလျံဟာ လုံလောက်မှုရှိပါတယ်” ဟု COVAX က ထုတ်ပြန်ခဲ့သည်။

COVAX မိတ်ဖက်များသည်ချမ်းသာသောနိုင်ငံနှင့် ဆင်းရဲသောနိုင်ငံများအကြား COVID-19 ကာကွယ်ဆေးများ ရရှိမှုသိသိ သာသာ မညီမျှခြင်းကို အမြဲတမ်း မကျေမနပ် ဖြစ်နေကြသည်။

“ကမ္ဘာတစ်ဝန်း COVID-19 ကာကွယ် ဆေးတွေ အညီအမျှ ရရှိမှု မရှိတာဟာ လက်ခံနိုင်ဖွယ်မရှိပါဘူး”ဟု ထုတ်ပြန်ခဲ့ပြီး ဝင်ငွေအလယ်အလတ်နှင့် ဝင်ငွေနိမ့်သောနိုင်ငံများ၌ လူဦးရေ၏ ငါးပုံတစ်ပုံသာ ကာကွယ်ဆေးတစ် လုံးထက်မနည်း ထိုးနှံရသေးသည့်အချိန်တွင် ချမ်းသာသောနိုင်ငံများတွင်မူ လူဦးရေ၏၈၀ ရာခိုင်နှုန်းကို ကာကွယ်ဆေးထိုးနှံပြီးနေကြောင်း နှိုင်းယှဉ်ထုတ်ပြန်ခဲ့သည်။

COVAX သည် ဆင်းရဲသောနိုင်ငံ ၁၃၉ နိုင်ငံသို့ ကာကွယ်ဆေးအလုံးရေ ၂၄၃ သန်း  သာ ဖြန့်ချိနိုင်ခဲ့သည်ဟု COVAX အစီအစဉ် အတွက် ကာကွယ်ဆေးပို့ဆောင်မှုအပိုင်းအား ကိုင်တွယ်ဆောင်ရွက်နေသည့် Unicef က ပြောကြားခဲ့သည်။

ကမ္ဘာတစ်ဝန်းရှိ နိုင်ငံအများစုသည် လက်ရှိအချိန်တွင် COVAX အစီအစဉ်မှကာ ကွယ်ဆေးများ လက်ခံရရှိခဲ့ကြောင်း Covax အမှုဆောင်ချုပ် ဆက်ဘာ့ခ်ကလေက သတင်းထောက်များကို ပြောကြားခဲ့ပြီးယင်း သည် အစပိုင်းသာရှိသေးကြောင်း ၎င်းက ဆက်လက်ပြောကြားခဲ့သည်။