အလုံးစုံ မော်တော်ယာဉ်အာမခံနုတ် ဖြတ်ငွေ (Nil Excess) နှုန်းထားများအား မတ် ၁၅ ရက်မှစ၍ တိုးမြှင့်ကောက်ခံသွားမည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန၊ အာမခံလုပ်ငန်းကြီးကြပ်ရေးအဖွဲ့ ထံမှ သိရသည်။
စီမံကိန်းနှင့် ဘဏ္ဍာရေးဝန်ကြီးဌာန အာမခံလုပ်ငန်းကြီးကြပ်ရေးအဖွဲ့၏ (၁၅) ကြိမ်မြောက် ပုံမှန်အစည်းအဝေး ၁/၂၀၁၉ ကို ၂၀၁၉ ခုနှစ် ဖေဖော်ဝါရီ ၁၃ ရက်တွင် ရုုံးအမှတ် (၂၆) နေပြည်တော်တွင် ကျင်းပ ပြုလုပ်ခဲ့ပြီး အထက်ပါ အလုံးစုံ မော်တော်ယာဉ်အာမခံ နုတ်ဖြတ်ငွေ (Nil Excess) နှုန်းထားများအား တိုးမြှင့်ကောက်ခံခွင့်ပြုပါရန် တင်ပြခြင်းကိစ္စအား အဆိုပါအစည်းအဝေးတွင် ဆုံးဖြတ်ချက် ချမှတ်ခဲ့ခြင်းဖြစ် သည်။
အစည်းအဝေး ဆုံးဖြတ်ချက်အရ အာမခံကုမ္ပဏီများအနေဖြင့် အလုံးစုံမော်တော်ယာဉ် အာမခံနုတ်ဖြတ်ငွေ (Nil Excess) နှုန်းထားအား ကိုယ်ပိုင်ယာဉ်ဆိုပါက အာမခံဝယ်ယူသည့်အခါနုတ်ဖြတ်ငွေ (Nil Excess) အဖြစ် ကျပ် ၅၀၀၀၊ လျော်ကြေးပေးလျော် သည့်အခါနုတ်ဖြတ်ငွေ (Nil Excess) အဖြစ် ကျပ် ၅၀၀၀၀၊ လုပ်ငန်းသုံးယာဉ်ဆိုပါက အာမခံဝယ်ယူသည့်အခါ နုတ်ဖြတ်ငွေ (Nil Excess) အဖြစ် ကျပ် ၁၀၀၀၀၊ လျော်ကြေး ပေးလျော်သည့်အခါ နုတ်ဖြတ်ငွေ (Nil Excess) အဖြစ် ကျပ် ၁၀၀၀၀၀ ကောက်ခံရမည်ဖြစ်ပြီး အာမခံဝယ်ယူသည့်အခါ နုတ်ဖြတ်ပြီးပါက လျော်ကြေးပေးသည့်အခါ နုတ်ဖြတ်ခြင်းမပြုရန် သတ်မှတ်ထားကြောင်း သိရသည်။
ယခင် ကောက်ခံသည့်နှုန်းထားမှာ ကိုယ်ပိုင်ယာဉ်ဆိုပါက အာမခံဝယ်ယူသည့် အခါနုတ်ဖြတ်ငွေ (Nil Excess) အဖြစ် ကျပ် ၂၀၀၀၊ လျော်ကြေးပေးလျော်သည့်အခါ နုတ်ဖြတ်ငွေ (Nil Excess) အဖြစ် ကျပ် ၂၀၀၀၀၊ လုပ်ငန်းသုံးယာဉ်ဆိုပါက အာမခံ ဝယ်ယူသည့်အခါ နုတ်ဖြတ်ငွေ (Nil Excess) အဖြစ် ကျပ် ၄၀၀၀၊ လျော်ကြေးပေးလျော်သည့်အခါ နုတ်ဖြတ်ငွေ (Nil Excess) အဖြစ် ကျပ် ၄၀၀၀၀ ကောက်ခံခဲ့ခြင်းဖြစ်သည်။
အာမခံကုမ္ပဏီများအနေဖြင့် အလုံးစုံ မော်တော်ယာဉ်အာမခံ၏ အဆိုလွှာ၊ ပေါ်လစီတို့တွင် အလုံးစုံမော်တော်ယာဉ် အာမခံနုတ် ဖြတ်ငွေ ကြိုတင်နုတ်ဖြတ်ရခြင်းနှင့် ကြိုတင်နုတ်ဖြတ်ခြင်းမပြုလျှင် အာမခံလျော်ကြေး ဖြစ်ပေါ်လာပါက နုတ်ဖြတ်ရသည့်နုတ်ဖြတ်ငွေ ပမာဏကို တိတိကျကျဖော်ပြထားရှိရန် စီမံကိန်းနှင့် ဘဏ္ဍာရေးဝန်ကြီးဌာန၊ အာမခံ လုပ်ငန်းကြီးကြပ်ရေးအဖွဲ့ ညွှန်ကြားထားသည်။
မြန်မာနိုင်ငံ အာမခံအသင်းအနေဖြင့် အထွေထွေအာမခံကုမ္ပဏီများမှ အလုံးစုံ မော်တော်ယာဉ်အာမခံ လက်ခံဆောင်ရွက်ရာတွင် အလုံးစုံမော်တော်ယာဉ်နုတ်ဖြတ်ငွေ တိုးမြှင့်ကောက်ခံခြင်းကို ၂၀၁၉ ခုနှစ် မတ် ၁၅ ရက်မှစ၍ ဆောင်ရွက်ရန်နှင့် အထက်ဖော်ပြပါ အာမခံလုပ်ငန်းကြီးကြပ်ရေးအဖွဲ့ အစည်းအဝေးဆုံးဖြတ်ချက်များနှင့်အညီ တိတိကျကျလိုက်နာဆောင်ရွက်နိုင်ရေးအတွက် လိုအပ်သည်များ ဆက်လက်ဆောင်ရွက်ရန် ညွှန်ကြားထားကြောင်း အာမခံလုပ်ငန်းကြီးကြပ်ရေးအဖွဲ့ထံမှ သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
