လီဗာပူးလ်အသင်းသည် ကမ္ဘာကျော် အမေရိကန်အားကစားပစ္စည်းထုတ်လုပ်ရေး ကုမ္ပဏီ Nike နှင့် စပွန်ဆာစာချုပ်ချုပ်ဆိုရန် သဘောတူညီမှု ရရှိမှုရခဲ့ပြီဖြစ်ကြောင်း ဇန်နဝါရီ (၇) ရက်တွင် ကြေညာခဲ့သည်။
လီဗာပူးလ်အသင်းသည် ကမ္ဘာကျော် အမေရိကန်အားကစားပစ္စည်းထုတ်လုပ်ရေး ကုမ္ပဏီ Nike နှင့် စပွန်ဆာစာချုပ်ချုပ်ဆိုရန် သဘောတူညီမှု ရခဲ့ပြီဖြစ်ကြောင်း ဇန်နဝါရီ (၇) ရက်တွင် ကြေညာခဲ့သည်။
လီဗာပူးလ်အသင်းသည် Nike ထုတ် အားကစားဝတ်စုံများကို ၂၀၂၀ ခုနှစ်၊ ဇွန် (၁) ရက်မှ စတင်ကာ ဝတ်ဆင်သွားမည်ဖြစ်ပြီး နှစ်ရှည်စာချုပ်ချုပ်ဆိုသွားမည်ဖြစ်ကြောင်း သိရသည်။
လီဗာပူးလ်အသင်း၏ ထုတ်ပြန်ချက်တွင် "လာမယ့် ၂၀၂၀-၂၁ ရာသီကစပြီး လီဗာပူးလ်အသင်းအနေနဲ့ Nike က ထုတ်လုပ်တဲ့ အားကစားပစ္စည်းတွေကို ဝတ်ဆင်သွားမှာပါ။ လီဗာပူးလ်အသင်းအနေနဲ့ Nike လို ကမ္ဘာကျော် အားကစားကုမ္ပဏီနဲ့ လက်တွဲခွင့်ရတဲ့အတွက် ဝမ်းသာပါတယ်"ဟု ပါရှိသည်။
လီဗာပူးလ်အသင်းသည် Nike နှင့် ချုပ်ဆိုမည့် စာချုပ်အသေးစိတ်အချက်အလက်များကို ထုတ်ပြန်ခဲ့ခြင်းမရှိသော်လည်း လီဗာပူးလ်အသင်းအနေဖြင့် တစ်နှစ်လျှင် ပေါင်သန်း (၈၀)အထိ ရဖွယ်ရှိနေကြောင်း ဗြိတိန်သတင်းစာ Daily Mail က ဖော်ပြခဲ့သည်။
ထို့ကြောင့် လီဗာပူးလ်အသင်းသည် ပရီးမီးယားလိဂ်တွင် အကျႌစပွန်ဆာကြေး အများဆုံးရအသင်းအဖြစ် ရပ်တည်နေသည့် မန်ယူအသင်းကိုပါ ကျော်ဖြတ်နိုင်မည်ဖြစ်ကြောင်း သိရသည်။
မန်ယူအသင်းသည် ဂျာမနီအခြေစိုက် အားကစားထုတ်လုပ်ရေး ကုမ္ပဏီ Adidas နှင့် ၂၀၁၅ ခုနှစ်မှ ၂၀၂၅ ခုနှစ်အထိ ချုပ်ဆိုထားပြီး တစ်နှစ်လျှင် စပွန်ဆာကြေး ပေါင် (၇၅)သန်း ရရှိနေသည်။
လီဗာပူးလ်အသင်းသည် လက်ရှိလက်တွဲနေသည့် New Balance နှင့်မူ တစ်နှစ်လျှင် ပေါင်သန်း (၃၀) သာ ရရှိခဲ့ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
