ကရင်ပြည်နယ် ကော့ကရိတ်မြို့အတွင်း ဇူလိုင် ၁၉ ရက် နံနက်ပိုင်းက လက်နက်ကြီး ကျည် ကျရောက်ပေါက်ကွဲမှုကြောင့် အရပ်သား ရှစ်ဦး ဒဏ်ရာရရှိခဲ့ကြောင်း မြို့ခံများထံမှ သိရသည်။
ကော့ကရိတ်မြို့အတွင်း နံနက် ၇ နာရီခွဲ ခန့်က လက်နက်ကြီးကျည် သုံးသုံးကျရောက်ခဲ့ ရာ အမှတ် (၂) ရပ်ကွက် မြို့တော်ဦးရပ်တွင် လက်နက်ကြီးကျည်တစ်လုံး၊ အမှတ် (၇) ရပ် ကွက် ပဒုမ္မာလမ်းတွင် လက်နက်ကြီးကျည်တစ်လုံးကျရောက်ပေါက်ကွဲခဲ့ပြီး ကော့ကရိတ် ခရိုင်ပြည်သူ့ဆေးရုံကြီးရှေ့သို့ ကျရောက်ခဲ့ သည့် လက်နက်ကြီးကျည်မှာ ပေါက်ကွဲခြင်းမ ရှိခဲ့ကြောင်း သိရသည်။
ထိုသို့ လက်နက်ကြီးကျည်ကျရောက် ပေါက်ကွဲမှုကြောင့် အမှတ် (၇) ရပ်ကွက် ပဒုမ္မာ လမ်းနေ ဦးရူပါ၊ ဦးသိန်းဝင်း၊ ဒေါ်ရွှေတို့ သုံးဦး မှာ လက်နက်ကြီးကျည်စထိမှန်ဒဏ်ရာများရရှိခဲ့ကြောင်း သိရသည်။
ထို့ပြင် ကော့ကရိတ်မြို့ အမှတ် (၂) ရပ် ကွက်နေ ဒေါ်သန်းသန်းအေး၊ ဒေါ်လှမြင့်၊ စောဉာဏ်လင်း၊ ဒေါ်သန္တာလှိုင်နှင့် ဦးဝင်း လှိုင်တို့မှာလည်း လက်နက်ကြီးကျည်စထိမှန် ဒဏ်ရာများရရှိခဲ့ကြောင်း မြို့ခံများထံမှ သိရ သည်။
“ဆေးရုံရှေ့ကျတဲ့ လက်နက်ကြီးကျည် က မပေါက်ကွဲသွားလို့ တော်သေးတယ်။ မ ဟုတ်ရင် ထိခိုက်သူပိုများသွားနိုင်တယ်”ဟု မြို့ခံတစ်ဦးက ပြောကြားသည်။
လက်နက်ကြီးကျည်စထိမှန်ဒဏ်ရာ ရရှိခဲ့သူများမှာ ကော့ကရိတ်ခရိုင်ပြည်သူ့ဆေး ရုံကြီးတွင် ဆေးကုသမှုခံယူနေကြောင်း သိရ သည်။
ကရင်ပြည်နယ် ကော့ကရိတ်မြို့အတွင်း အကြာခဏ လက်နက်ကြီးကျည်ကျရောက် ပေါက်ကွဲမှုများကြောင့် မြို့ခံပြည်သူများ ထိ ခိုက်သေဆုံးဒဏ်ရာရရှိခဲ့သူ အများအပြားရှိ နေကြောင်း မြို့ခံများ၏ ပြောကြားချက်များ အရ သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
