ကရင်ပြည်နယ် ကော့ကရိတ်မြို့နယ် မင်းရွာကျေးရွာအုပ်စု ကော့ဂူကျေးရွာ ကျောက် တောင်နံ့သာလိုဏ်ဂူ ရေကန်အတွင်း ပြီးခဲ့ သည့် ဇူလိုင် ၁၉ ရက် ညနေပိုင်းက ရေနစ်ပျောက် ဆုံးခဲ့သည့် ၁၂ နှစ်အရွယ်ကလေး၏ အ လောင်းအား ဇူလိုင် ၂၁ ရက် နံနက်ပိုင်းက ပြန် လည်တွေ့ရှိခဲ့ကြောင်း လူမှုကယ်ဆယ်ရေးအ ဖွဲ့ထံမှ သိရသည်။
ရေနစ်ပျောက်ဆုံးနေသည့် ကလေးမှာ ကော့ဂူကျေးရွာမှဖြစ်ကြောင်းနှင့် ဇူလိုင် ၁၉ ရက် မွန်းလွဲ ၃ နာရီခွဲခန့်က အဆိုပါ ကျောက် တောင်နံ့သာလိုဏ်ဂူ ရေကန်အတွင်း ငါးမျှား နေရင်း ရေနစ်ပျောက်ဆုံးခဲ့ခြင်းဖြစ်ကြောင်း သိရသည်။
ရေနစ်ပျောက်ဆုံးနေသည့် ကလေးအား ရမ္မဝတီ လူမှုကယ်ဆယ်ရေးအဖွဲ့မှ မော်လ မြိုင်မြို့ရှိ ရာမည အရေးပေါ်ကယ်ဆယ်ရေးအ သင်းနှင့် ရေနစ်သူရှာဖွေကယ်ဆယ်ရေးအဖွဲ့ ထံသို့ အကူညီတောင်းခံပြီး ကော့ဘိန်းလူမှု ကယ်ဆယ်ရေအဖွဲ့နှင့် မော်လမြိုင်လူမှုကယ် ဆယ်ရေးအဖွဲ့များ ပူးပေါင်းကာ ဇူလိုင် ၁၉ ရက် ည ၉ နာရီအထိ ရှာဖွေခဲ့ကြသော်လည်း ကလေးအား မတွေ့ရှိရသည့်အတွက် ကယ် ဆယ်ခြင်းကို ရပ်နားခဲ့ရကြောင်း၊ ဇူလိုင် ၂၀ ရက်တွင်လည်း ရှာဖွေကယ်ဆယ်ရေးလုပ်ငန်း များ ဆက်လက်လုပ်ဆောင်ခဲ့သော်လည်း ကလေး၏အလောင်းအား မတွေ့ရှိခဲ့ကြောင်း လူမှုကယ်ဆယ်ရေးအဖွဲ့မှ တာဝန်ရှိသူတစ်ဦး က ပြောကြားသည်။
“ဒီနေ့ ဇူလိုင် ၂၁ ရက် မနက် ၇ နာရီ လောက်မှာ ရေနစ်ပျောက်ဆုံးနေတဲ့ ကလေး ရဲ့အလောင်း က ရေကန်အတွင်းမှာ ပြန်ပေါ် လာလို့ ဒေသခံတွေက အကြောင်းကြားလာလို့ သွားရောက်ဆယ်ယူခဲ့ရပါတယ်”ဟု ၎င်းက ဆက်လက်ပြောကြားသည်။
ထို့နောက် ရမ္မဝတီ လူမှုကယ်ဆယ်ရေး အသင်းက ရေကန်အတွင်းရှိ ကလေး၏ အ လောင်းကို ဆယ်ယူပေးခဲ့ကာ ကော့ဘိန်းတိုက် နယ်ဆေးရုံသို့ ပို့ဆောင်ပေးခဲ့သည်။
ပြီးခဲ့သည့် ဇူလိုင် ၁၉ ရက်က မွန်ပြည် နယ် မော်လမြိုင်မြို့တွင်လည်း တစ်နှစ်ခွဲအ ရွယ် ကလေးငယ်တစ်ဦးနှင့် ၁၂ နှစ်ဝန်းကျင် ကလေးနှစ်ဦး ရေနစ်သေဆုံးမှုဖြစ်ပွားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
