ဂျူဗင်တပ်စ်အသင်းသည် အသင်းတိုက်စစ်မှူး ဒီဘားလားအား ခေါ်ယူရန် စပါးအသင်း၏ ယူရိုသန်း (၇၀) ဖြင့် ကမ်းလှမ်းမှုကို လက်ခံလိုက်ပြီဖြစ်ကြောင်း Goal.com က ဖော်ပြခဲ့သည်။
ဂျူဗင်တပ်စ်အသင်းသည် အသင်းတိုက်စစ်မှူး ဒီဘားလားအား ခေါ်ယူရန် စပါးအသင်း၏ ယူရိုသန်း (၇၀) ဖြင့် ကမ်းလှမ်းမှုကို လက်ခံလိုက်ပြီဖြစ်ကြောင်း Goal.com က ဖော်ပြခဲ့သည်။
စပါးအသင်းသည် လက်ရှိတွင် အပြောင်းအရွှေ့ကိစ္စအတွက် ဒီဘားလားနှင့် ဆွေးနွေးရန် ပြင်ဆင်နေကြောင်းလည်း သိရသည်။
အသက် (၂၅) နှစ်အရွယ်ရှိ အာဂျင်တီးနားတိုက်စစ်မှူး ဒီဘားလားသည် ၂၀၁၅ ခုနှစ်တွင် ပါလာမိုအသင်းမှ ဂျူဗင်တပ်စ်အသင်းသို့ ယူရို (၃၂) သန်းဖြင့် ပြောင်းရွှေ့ခဲ့ပြီး အသင်းနှင့်အတူ (၄) ရာသီအတွင်း ဆုဖလား (၉) လုံးအထိ ရယူကာ ပြိုင်ပွဲစုံ (၁၈၂) ပွဲတွင် (၇၈) ဂိုးအထိ သွင်းယူပေးနိုင်ခဲ့သည်။
သို့သော် ပြီးခဲ့သည့် ၂၀၁၈ ခုနှစ်တွင် ဂျူဗင်တပ်စ်အသင်းသို့ စီရော်နယ်လ်ဒို ရောက်ရှိလာပြီးနောက် ဒီဘားလားမှာ ခြေစွမ်းပြနိုင်ရန် ရုန်းကန်ခဲ့ရပြီး ပြီးခဲ့သည့် ၂၀၁၈-၁၉ ရာသီတွင် ပြိုင်ပွဲစုံ (၄၂) ပွဲကစားရာ၌ (၁၀) ဂိုးသာ သွင်းယူနိုင်ခဲ့သည်။
ဒီဘားလားသည် ယခုနွေရာသီအပြောင်းအရွှေ့ကာလအတွင်း မန်ယူအသင်းသို့ ပြောင်းရွှေ့ရန် ဆွေးနွေးခဲ့ပြီး နောက်ဆုံးတွင် အပြောင်းအရွှေ့ ပျက်ပြယ်ခဲ့ရသည်။
စပါးအသင်းသည် ယခုနွေရာသီအပြောင်းအရွှေ့ကာလအတွင်း အန်ဒွန်ဘီလီအပါအဝင် ကစားသမား (၄) ဦးကို ယူရိုသန်း (၇၀) အထိ အသုံးပြုကာ ခေါ်ယူထားသည်။ သို့သော် စပါးအသင်းသည် သြဂုတ်လ (၈) ရက်နေ့ အပြောင်းအရွှေ့မပိတ်မီ ကစားသမားသစ်များ ခေါ်ယူရန် စီစဉ်နေခြင်းဖြစ်ပြီး ဒီဘားလားနှင့် ပုဂ္ဂိုလ်ရေး ဆွေးနွေးရန် လိုတော့ကြောင်း Goal.com က ဖော်ပြခဲ့သည်။
ထို့ပြင် စပါးအသင်းသည် ဘာစီလိုနာအသင်းတွင် အနာဂတ်လှုပ်ခတ်နေသည့် ဘရာဇီးလ်ကွင်းလယ်လူ ကော်တင်ဟိုကိုလည်း အငှားဖြင့် ခေါ်ယူရန် နီးစပ်နေကြောင်း ဗြိတိန်သတင်းစာ Daily Mail က ဖော်ပြခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
