ဘိုင်ယန်မြူးနစ်တိုက်စစ်မှူး ဟာရီကိန်းသည် ဒေါ့မွန်နှင့်ပွဲတွင် ရရှိခဲ့သည့် တံကောက်ကြောဒဏ်ရာကြောင့် (၂) ပတ်ခန့် အနားယူရမည်ဖြစ်ကြောင်း သိရသည်။
နိုဝင်ဘာ (၃၀) ရက်(စနေနေ့) က ကစားခဲ့သည့် ဘွန်ဒစ်လီဂါပွဲစဉ် ဒေါ့မွန် (၁-၁) ဘိုင်ယန်မြူးနစ်ပွဲ၌ ဟာရီကိန်းသည် ပွဲချိန် (၃၃)မိနစ်တွင် ဒဏ်ရာရကာ သောမတ်စ်မူလာနှင့် လူစားလဲခဲ့ရသည်။
ဘိုင်ယန်မြူးနစ်အသင်းသည် အဆိုပါပွဲစဉ်တွင် ဒေါ့မွန်အသင်းကို နောက်မှလိုက်ကစားခဲ့ရပြီး ပွဲချိန် (၈၀) မိနစ်တွင် မူဆီယာလာ သွင်းယူခဲ့သည့် ဂိုးကြောင့်သာ ပွဲအပြီးတွင် (၁-၁)ဂိုးဖြင့် သရေကျကာ တစ်မှတ် ရယူနိုင်ခဲ့ခြင်းဖြစ်သည်။
အဆိုပါပွဲအပြီးတွင် ဘိုင်ယန်မြူးနစ်နည်းပြ ကွန်ပနီက ဟာရီကိန်း၏ဒဏ်ရာမပြင်းထန်ရန် မျှော်လင့်ကြောင်း ပြောကြားခဲ့သည်။
ဟာရီကိန်းသည် တနင်္ဂနွေနေ့ တွင် ဒဏ်ရာကို စစ်ဆေးမှုခံယူခဲ့ရာ တံကောက်ကြောကြွက်သား အနည်းငယ်စုတ်ပြဲသွားခြင်းဖြစ်ကြောင်း သိရှိရသည်။
ဘိုင်ယန်မြူးနစ်အသင်း၏ ထုတ်ပြန်ချက်တွင် ''ဟာရီကိန်း၏ ညာဘက်ပေါင်တွင် ကြွက်သားအနည်းငယ်စုတ်ပြဲသွားခြင်းဖြစ်ကြောင်း၊ ဘိုင်ယန်မြူးနစ်ဆေးအဖွဲ့၏စစ်ဆေးမှုအရ ဟာရီကိန်းအနေဖြင့် အသင်းအတွက် အချိန်အတိုင်းအတာတစ်ခုအထိ ကစားပေးနိုင်ဦးမည်မဟုတ်ကြောင်း''ပါရှိသည်။
ဘိုင်ယန်မြူးနစ်အသင်းက ဟာရီကိန်း အနားယူရမည့်ကာလကို ထုတ်ပြန်ခဲ့ခြင်းမရှိသော်လည်း နာမည်ကျော်ဂျာမန်သတင်းစာ Bild က ဟာရီကိန်းအနေဖြင့် (၂) ပတ်ခန့်သာ အနားမည်ဖြစ်ကြောင်း ဖော်ပြခဲ့သည်။
ဟာရီကိန်းသည် ယခုရာသီတွင် ဘိုင်ယန်မြူးနစ်အတွက် ခြေစွမ်းပြနေပြီး ပြိုင်ပွဲစုံ(၁၉) ပွဲတွင် ဂိုး (၂၀) သွင်းယူထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
