Top News

အာမီးနီးယား နှင့် ဖရိုင်းဘတ် (မြန်မာစံတော်ချိန် အင်္ဂါည ၁၁း၃၀ နာရီ)

အာမီးနီးယားအသင်းက တတိယတန်းအဆင့်ထိ တန်းဆင်းကစားနေရတယ်။ ဖရိုင်းဘတ်အသင်းက ဒီရာသီ အဝေးကွင်းမှာ ထိပ်သီးကလပ်တွေကိုသာ အရေးနိမ့်ထားတာပါ။ ဖရိုင်းဘတ်ပဲ ကြိုက်တယ်။

ရေဂင်စဘတ် နှင့် စတုဂတ် (မြန်မာစံတော်ချိန် အင်္ဂါည ၁၁း၃၀ နာရီ)

ရေဂင်စဘတ်က ဘွန်ဒစ်လီဂါ-၂ မှာတော့ ဇယားအောက်ဆုံးရောက်နေတဲ့အသင်းပါ။ စတုဂတ်ကလည်း နောက်ဆုံး(၆) ပွဲမှာ တစ်ပွဲသာ အနိုင်ရထားပြီး အရှုံးများနေတယ်။ ကစားသမားပိုင်းကွာလို့ စတုဂတ်ပဲကြိုက်တယ်။

ဘိုင်ယန်မြူးနစ် နှင့် လေဗာကူဆင် (မြန်မာစံတော်ချိန် ဗုဒ္ဓဟူးနံနက် ၂း၁၅ နာရီ)

အခုရာသီတွေ့ဆုံမှုမှာ ဘိုင်ယန်အသင်း မြူးနစ်ကွင်းမှာတောင် လေဗာကူဆင်ကို အနိုင်မကစားနိုင်ခဲ့ဘူး။ နောက်ဆုံး (၂)ရာသီအတွင်း (၄)ပွဲကစားခဲ့ရာမှာလည်း လေဗာကူဆင်အသင်းက (၂)ပွဲနိုင်၊ (၂)ပွဲသရေနဲ့ အသာရထားတယ်။ ဘိုင် ယန်အသင်းတိုက်စစ်မှာ ဒဏ်ရာပြဿနာရှိတဲ့ ဟာရီကိန်း မကစားနိုင်ရင်တော့ ရုန်းကန်ရမယ့် အနေအထားရှိပါတယ်။ လေဗာကူဆင်အသင်းက အခုပွဲမတိုင်ခင် (၃)ပွဲဆက် အနိုင်ကစားပြီး ပြန်တည့်မတ်လာနိုင်တယ်။ ဒါပေမဲ့ အဝေးကွင်းမှာတော့ လေဗာကူဆင်အသင်းကို သိပ်ယုံစားလို့ မရသေးဘူး။ ဘိုင်ယန်ပဲ နောက်တစ်ဆင့်တက်ဖို့များတယ်။

၀ါဒါဘရီမင် နှင့် ဒမ်းစတက်ဒ် (မြန်မာစံတော်ချိန် ဗုဒ္ဓဟူးနံနက် ၂း၁၅ နာရီ)

၀ါဒါဘရီမင်အသင်း ဒီရာသီအိမ်ကွင်းမှာ တစ်ပွဲသာ အနိုင်ရထားပေမဲ့ အများစုက ပွဲကျပ်တွေ ကစားခဲ့ရတာပါ။ ဘွန်ဒစ်လီဂါ-၂ကလပ် ဒမ်းစတက်ဒ်ကတော့ တောက်လျှောက်ရလဒ်တွေကောင်းနေတယ်။ ၀ါဒါဘရီမင် အနိုင်သေချာပါတယ်။

---------------------------------------------------------------------------------------------

ဘိုလော့ဂ်နာ နှင့် မွန်ဇာ (မြန်မာစံတော်ချိန် အင်္ဂါည ၁၂းဝ၀ နာရီ)

မွန်ဇာအသင်းအဖို့ ကိုပါအီတာလီယာထက် စီးရီးအေတန်းဆင်းဇုန်က ရုန်းထွက်ဖို့ပဲ ပိုအရေးကြီးပါတယ်။ ဘိုလော့ဂ်နာ အနိုင်သေချာပါတယ်။

အေစီမီလန် နှင့် ဆာဆူအိုလို (မြန်မာစံတော်ချိန် ဗုဒ္ဓဟူးနံနက် ၂း၃၀ နာရီ)

အေစီမီလန်အသင်းက ရီးယဲလ်မက်ဒရစ်လိုအသင်းကို အဝေးကွင်းမှာ အနိုင်ရပြီးနောက် ယုံကြည်မှုမြင့်လာသလို၊ ရလဒ်တွေလည်း ပိုကောင်းလာတယ်။ ဆာဆူအိုလိုအသင်းက စီးရီးဘီမှာ ထိပ်ဆုံးက ဦးဆောင်နေတဲ့အသင်းပါ။ အေစီမီလန်ပဲ ကြိုက်တယ်။

-----------------------------------------------------------------------------------------------

ဆာလာမန်ကာ နှင့် ဆယ်လ်တာဗီဂို (မြန်မာစံတော်ချိန် ဗုဒ္ဓဟူးနံနက် ၂း၃၀ နာရီ)

ဆာလာမန်ကာက စတုတ္ထတန်းမှာ ရလဒ်ပိုင်းမဆိုးပေမဲ့ လာလီဂါကလပ်ကိုတော့ ယှဉ်နိုင်တဲ့ အနေအထားမရှိပါဘူး။ ဆယ်လ်တာဗီဂိုကို ကြိုက်တယ်။

အခြားပွဲစဉ်များ

အာဗီလာ    -    ဗယ်လာဒိုလစ်*

    ယေကလာနို    -    အယ်လ်ချီ*

    ဘာဘက်စထရို    -    အက်စ်ပန်ညို*

    *ဇာရာဂိုဇာ    -    ဂရန်နာဒါ

    အယ်ယူရိုပါ    -    လက်စ်ပါမားစ်*