ယခုနှစ် ဇန်နဝါရီမှ အောက်တိုဘာအထိ ဆယ်လတာကာလအတွင်းမြန်မာနိုင်ငံသို့ ပြည်ပခရီးသွားဝင်ရောက်မှုသည် ယခင်နှစ် ကာလတူထက် ခြောက်သိန်းခွဲကျော် တိုးတက်လာကြောင်း နိုဝင်ဘာ ၄ ရက်က အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာနမှ ထုတ်ပြန်ထားသည်။
၂၀၁၈ ခုနှစ်တွင် ဇန်နဝါရီမှ အောက်တိုဘာအထိ ပြည်ပခရီးသွား ဝင်ရောက်ပမာဏသည်၂၈၄၄၅၀၈ ဦးရှိပြီး၂၀၁၉ ခုနှစ် ကာလတူတွင် ၃၅၂၃၇၈၄ ဦး ဝင်ရောက်လာပြီး ၆၇၉၂၇၆ ဦး တိုးတက်လာသည်ဟု ထုတ်ပြန်ချက်တွင် ဖော်ပြထားသည်။
ယခုနှစ် ၁၀ လတာကာလအတွင်း ပြည်ပခရီးသွား ဝင်ရောက်မှုတွင် လေကြောင်းဖြင့် လာရောက်သူမှာ ၁၄၁၄၉၇၂ ဦး၊ အပျော်စီးသင်္ဘောဖြင့် ဝင်ရောက်သူမှာ ၆၃၀၇ ဦး၊ နယ်စပ်ဝင်ပေါက်မှ အတွင်းပိုင်းအထိ လာရောက်သူများမှာ ၁၀၀၀၉၁ ဦး၊ ဗီဇာဖြင့်လာရောက်သူမှာ ၁၅၂၁၃၇၀ ဦးနှင့် နယ်စပ်တွင် ဝင်ရောက်သူမှာ၂၀၀၂၄၁၄ ဦးရှိကြောင်း ထုတ်ပြန်ချက်တွင် ပါရှိသည်။
အဆိုပါ မြန်မာနိုင်ငံသို့ ပြည်ပခရီးသွား ဝင်ရောက်မှုများတွင် နယ်စပ်ဝင်ပေါက်မှ အတွင်းပိုင်းသို့ ပြည်ပခရီးသွားဝင်ရောက်မှုသည်၂၀၁၈ ခုနှစ်တွင် ၃၅၃၇၇ ဦးသာ ဝင်ရောက်ခဲ့ရာ ယခုနှစ်တွင် ၁၀၀၀၉၁ ဦး ဝင်ရောက်ခဲ့ကာ နှိုင်းယှဉ်ချက်များအရ ၁၈၃ ရာခိုင်းနှုန်း တိုးတက်ခဲ့ပြီး အပျော်စီးသင်္ဘောဖြင့် ဝင်ရောက်လာသည် ့ပြည်ပခရီးသွားများ ဝင်ရောက်မှုမှာ ယခင်နှစ်က ၇၁၃၉ ဦး ဝင်ရောက်ခဲ့ကာ ယခုနှစ်တွင် ၆၃၀၇ ဦးသာ ဝင်ရောက်ခဲ့ရာ ၁၂ ရာခိုင်နှုန်း ဝင်ရောက်မှု လျော့ကျသွားသည်ဟု သိရသည်။
လက်ရှိတွင် အရှေ့တောင်အာရှနိုင်ငံများမှ ခရီးသွားဝင်ရောက်မှုတွင် တရုတ်ခရီး သွား ဝင်ရောက်မှုသည် အများဆုံးဖြစ်ပြီး ကိုရီးယားခရီးသွား ဝင်ရောက်မှုမှာ ဒုတိယ အများဆုံးဖြစ်သည်ဟု သိရသည်။
အနောက်ဥရောပနိုင်ငံများတွင် စပိန်နှင့်အီတလီ ခရီးသွားများသည် ဝင်ရောက်မှု အများဆုံးဖြစ်သည်ဟု သိရသည်။
အာဆီယံနိုင်ငံများမှ ခရီးသွားဝင်ရောက်မှုတွင် ထိုင်း၊ မလေးရှား၊ စင်ကာပူ၊ ဗီယက်နမ် ခရီးသွား ဝင်ရောက်မှုသည် လျော့နည်းသွားပြီး အနောက်ဥရောပနိုင်ငံများတွင် ယူကေ၊ ဆွစ်ဇာလန်၊ ဘယ်လ်ဂျီယံ၊ ပြင်သစ်၊ ခရီးသွားများ ဝင်ရောက်မှုလျော့နည်းသွားကြောင်း ထုတ်ပြန်ချက်တွင် ပါရှိသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
