လွိုင်ကော်မြို့နယ် မိုင်းလုံးရပ်ကွက် St Joseph ဘုရားကျောင်း ဘော်ဒါဆောင်နေ ကျောင်းသားကျောင်းသူ ၂၄ ဦးမှာ သြဂုတ် ၁၉ ရက်တွင် လွိုင်ကော်ပြည်သူ့ဆေးရုံကြီးတွင် အစာအဆိပ်သင့်သည့် လက္ခဏာများ ဖြစ်ပေါ်သဖြင့် ကုသမှုခံယူလျက်ရှိကြောင်း သိရသည်။
“ကောင်းပါတယ် ၊အခြေအနေက သိပ်မဆိုးပါဘူး။ St Joseph ကျောင်းက။ ကုသမှုပိုင်းဆိုတော့ ဆေးရုံအုပ်ကြီးကိုလည်း မေးကြည့်လိုက်ပါ”ဟု ပြည်နယ် ပြည်သူ့ကျန်းမာရေးဦးစီးမှူး ဒေါက်တာဌေးလွင်က ပြောကြားသည်။
အဆောင်နေ ကျောင်းသား ကျောင်းသူများမှာ နံနက် ၇ နာရီခန့်တွင် နံနက်စာကို မျှစ်ကြော်နှင့် ထမင်းဖြူ စားသောက်ပြီး ကျောင်းသို့သွားရာ ကျောင်းတွင် မူးဝေခြင်း၊ အော့အန်ခြင်းများ ဖြစ်ပေါ်လာသောကြောင့် အဆောင်သို့ ပြန်လည် ပို့ဆောင်ပြီးနောက် ဆေးရုံကြီးသို့ သွားရောက်ပြသရာ ၂၄ ဦးမှာ တက်ရောက်ကုသမှုခံယူရပြီး မစိုးရိမ်ရတော့ကြောင်း ဖေးကူလက်များ ပရဟိတအဖွဲ့ထံမှ သိရသည်။
“ဖြစ်ဖြစ်ချင်းကတော့ ၆၁ ယောက်ပေါ့။ အကုန်လုံးကတော့ စားတာပေါ့ ။ စစ္စတာကလည်း စိတ်ချရအောင်ပေါ့။ ကလေးတွေ ၆၁ ယောက်လုံး ဆေးရုံခေါ်လာတယ်။ အခုလောလောဆယ် ဆေးရုံမှာ ၂၄ ယောက် တင်ထားရတယ်။ အားလုံးကတော့ စိတ်ချရတဲ့ အနေအထား ရောက်နေပြီပေါ့နော်။ ကျန်တဲ့ ကလေးတွေတော့ အဆောင်ပြန်ရောက်ပြီပေါ့နော်”ဟု ဖေးကူလက်များပရဟိတအဖွဲ့ ဦးဆောင်သူ မအိက ပြောကြားသည်။
ယုခုနှစ် ဖေဖော်ဝါရီ ၁၃ ရက်ကလည်း လွိုင်ကော်မြို့ ပြည်နယ်ခန်းမတွင် ကျင်းပသည့် ဗိုလ်ချုပ်အောင်ဆန်း၏ (၁၀၄) နှစ်မြောက် မွေးနေ့နှင့် ကလေးများနေ့ ဂုဏ်ပြုအထိမ်းအမှတ် အခမ်းအနားမှ ကျွေးမွေးသော ကြာဆံကြော်၊ ထမင်းကြော်များ စားပြီးနောက် အစာအဆိပ်သင့်ပြီး လူ ၅၀ မှာ ကုသမှု ခံယူခဲ့ရကြောင်း ပြည်နယ် ပြည်သူ့ကျန်းမာရေးဦးစီးဌာနမှ သိရသည်။
အဆိုပါ အခမ်းအနားသို့ ကျောင်းသားကျောင်းသူများ တက်ရောက်ကြပြီး အစာအဆိပ်သင့်သူများတွင် ကလေးငယ်များလည်း ပါဝင်ခဲ့ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
