နည်းပညာဖွံ့ဖြိုးမှုနှင့်အတူ အမုန်းစကားများ၊ မမြင်အပ်၊ မကြားအပ်သော ကိစ္စများလည်း ပူးတွဲပါဝင်လာသည့် အတွက် ကျောင်းသား၊ ကျောင်းသူများ အနေဖြင့် ကောင်းသည့်ဘက်မှ အကျိုးရှိစွာ သင်ယူလေ့လာနိုင်ရန် အရေးကြီးကြောင်း ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက ပြောကြားသည်။
သြဂုတ် ၁၉ ရက်က နေပြည်တော်ရှိ မင်္ဂလာသီရိဟိုတယ်၌ တယ်လီနောမြန်မာနှင့် ပညာရေးဝန်ကြီးဌာနတို့ ပူးပေါင်းပြုလုပ်သည့် တစ်နိုင်ငံလုံးရှိ စာသင်ကျောင်းများ၌ ဘေးကင်းလုံခြုံသော ဒစ်ဂျယ်တယ်နည်းပညာ အွန်လိုင်း အသုံးပြုမှုစီမံကိန်း အခမ်းအနား အဖွင့်အမှာစကား ပြောကြားရာတွင် ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီးက အထက်ပါကဲ့သို့ ထည့်သွင်းပြောကြား ခဲ့ခြင်းဖြစ်သည်။
“နည်းပညာ ဖွံ့ဖြိုးတိုးတက်လာတာနဲ့အညီ အမုန်းစကားတွေကလည်း ကျောင်းသားကျောင်းသူ လူငယ်တွေ မသိသင့်၊ မမြင်သင့်၊ မကြားသင့်တာတွေကလည်းဘဲ ဒီနည်းပညာတွေမှာ အများကြီး ရှိနေပါတယ်။ ဒါကြောင့် ဒီဟာတွေသည် ကိုယ့်ဘဝအတွက် အကောင်းဆုံးဖြစ်အောင် ဒါတွေကို သင်ယူနိုင်ဖို့အတွက် အရေးကြီးပါတယ်။ ဒါကြောင့် ကောင်းတဲ့ဘက်က သင်ယူလေ့လာမယ်ဆိုရင် ဒီအွန်လိုင်းတို့ အင်တာနက်တို့ အပေါ်မှာလည်း ကိုယ်သင်ယူ လေ့လာတာတွေအတွက် အခွင့်အလမ်းတွေဟာ အများကြီးရှိပါတယ်။ ဒါတွေနဲ့အတူတူ တစ်ဖက်မှာလည်းပဲ မကောင်းတာတွေကို ကြံ့ကြံ့ခံပြီး လိုက်လျောညီထွေစွာ ဆောင်ရွက်နိုင်မှ မစမ်းဖို့အတွက် အရေးကြီးတယ်။ ကိုယ့်ရဲ့အာရုံကို ကိုယ်ဦးတည်တာပဲ သွားဖို့အတွက် အင်မတန် အရေးကြီးပါတယ်” ဟု ပြည်ထောင်စုဝန်ကြီးက ပြောကြားသည်။
ဆက်လက်၍ ကျွန်တော်တို့ ပညာရေးဝန်ကြီးဌာနသည် လူမျိုး စိတ်မဝင်စားဘူး။ ဘာသာ စိတ်မဝင်စားဘူး။ သန်စွမ်းတာ၊ မသန်စွမ်းတာ၊ ကျေးလက်နေတာ၊ မြို့ပြနေတာ၊ အခုဆိုရင် ကျား/မ တောင် ဘာမှမခွဲခြားဘူး။ ကျွန်တော်တို့ရဲ့ မူဝါဒသည် ဘာလဲဆိုတော့ ခွဲခြားမှုမရှိဘူး။ ခွဲခြားမှုမရှိဘူး ဆိုတာသည် မညီမျှဘူးဆိုတာ မရှိအောင် တရားမျှတစွာနဲ့ အကောင်အထည်ဖော် ဆောင်ရွက်ပေးနေတယ်။ ဒါပေမဲ့ ပညာရေးဝန်ကြီးဌာနမှ လိုအပ်ချက်သည် အင်မတန်မှ များပြားပါတယ်။ လိုအပ်ချက် များပြားတယ်ဆိုတာ နှစ်ပေါင်းများစွာ ဆရာ၊ ဆရာမများသည် မြေဖြူဖိုးတောင် ရလာခဲ့တာ မဟုတ်ဘူး။ အဲဒီအတွက် အခုမှ ကျွန်တော်တို့က စတင်ပြီးတော့ ကျောင်းတွေရဲ့ လိုအပ်ချက်တွေအရ ဆရာ၊ ဆရာမလိုတာတွေ၊ ကျောင်းဆောင် လိုတာတွေ၊ စာကြည့်တိုက် လိုတာတွေကို ဖြည့်ဆည်းပေးဖို့အတွက် စတင်နေဆဲကာလ ဖြစ်ပါတယ်” ဟု ပြည်ထောင်စုဝန်ကြီးက ပြောကြားသည်။
အခြေခံကျသည့် ICT ပစ္စည်းများကို ထောက်ပံ့ပေးရန်အတွက် ၂၀၁၉-၂၀၂၀ ဘဏ္ဍာရေးနှစ်တွင် ပညာရေး ဝန်ကြီးဌာန အခြေခံပညာ ဦးစီးဌာနကနေ အထက်တန်းကျောင်းများကို ကွန်ပျူတာများ ဖြန့်ဝေပေးရန် စီမံဆောင်ရွက်နေကြောင်း ပြည်ထောင်စုဝန်ကြီးက ပြောကြားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
