မလေးရှားတွင် မတ် ၁၈ ၌ ထုတ်ပြန်ခဲ့သော အသွားအလာကန့်သတ်မှု စည်းမျဉ်းများကို ချိုးဖောက်မှုအတွက် လူ ၁၅၀၀၀ နီးပါး ထိန်းသိမ်းခံခဲ့ရကြောင်း ရာဇဝတ်မှုဆိုင်ရာ စုံစမ်းစစ်ဆေးရေးဌာန ညွှန်ကြားရေးမှူး ဟူဇာမိုဟာမက်က ဧပြီ ၁၅ တွင် ပြောကြားခဲ့သည်။
ထိန်းသိမ်းခံခဲ့ရသူ ၁၄၉၂၂ ဦးအနက် ၅၈၃၀ သည် တရားရုံးတွင် စွဲချက်တင်ခံခဲ့ရပြီး ၎င်းတို့၏ ပြစ်ဒဏ်များအား ကျခံနေပြီဖြစ်ကြောင်းလည်း ၎င်းက ပြောကြားခဲ့သည်။
အသွားအလာကန့်သတ်မှုအမိန့်အား အကြိမ်ကြိမ်ချိုးဖောက်ခဲ့သူ ၆ ဦးအား ထောက်လှမ်းသိရှိခဲ့ကြောင်း ဟူဇာက ပြောကြားခဲ့သည်။ ထိုအမိန့်အား ဆက်လက်အာခံနေသူများကို ပြင်းထန်သော အရေးယူမှုများ ပြုလုပ်ရန် တွန့်ဆုတ်နေမည်မဟုတ်ကြောင်း ၎င်းအား ပြောကြားခဲ့သည်။
COVID-19 ကူးစက်ပျံ့နှံ့မှုအား မြန်နိုင်သမျှမြန်မြန် ထိန်းချုပ်နိုင်ရန်အတွက် ဧပြီ ၂၈ အထိ အကျုံးဝင်မည့် အဆင့် ၃ ဆင့် ပါ အသွားအလာကန့်သတ်မှု အမိန့်အား ပြည်သူလူထုက လိုက်နာကြရန် ဟူဇာက အကြံပြုခဲ့သည်။
မလေးရှားတွင် ဧပြီ ၁၅ ၌ ကိုရိုနာဗိုင်းရပ်စ် ကူးစက်ခံရသူသစ် ၈၅ ဦးရှိခဲ့ရာ အသွားအလာကန့်သတ်မှုများအား ချမှတ်ခဲ့ပြီးနောက်ပိုင်း နေ့စဉ်ကူးစက်မှုအသစ် အနိမ့်ဆုံးဖြစ်ခဲ့သည်။ ကူးစက်သူစုစုပေါင်း ၅၀၇၂ ဦး ရှိလာခဲ့ပြီး တစ်ဦးထပ်မံသေဆုံးသဖြင့် သေဆုံးသူစုစုပေါင်း ၈၃ ဦးအထိ ရှိလာကြောင်း ကျန်းမာရေးဝန်ကြီးဌာနက ထုတ်ပြန်ခဲ့သည်။
မလေးရှားတွင် ဧပြီ ၁၅ ၌ ဗိုင်းရပ်စ်ကူးစက်လူနာ ၁၆၉ ဦး ဆေးရုံမှ ပြန်ဆင်းခဲ့သောကြောင့် ပြန်လည်ကောင်းမွန်လာသူ အရေအတွက်သည် ၂၆၄၇ ဦး ရှိလာခဲ့ပြီး ကူးစက်ခံရသူ စုစုပေါင်း၏ ၅၂.၂ ရာခိုင်နှုန်း က ပြန်လည်ကောင်းမွန်ခဲ့ခြင်းဖြစ်ကြောင်း ကျန်းမာရေးဝန်ကြီးဌာနက ထုတ်ပြန်ခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
