ရီးယဲလ်ဝါရင့်တိုက်စစ်မှူး ဘန်ဇီမာသည် မိုချန်ဂလာဘတ်နှင့် သရေကျသည့်ပွဲတွင် အသင်းတောင်ပံကစားသမား ဗင်နီစီယပ်စ်အား ဘောလုံးပေးမကစားရန် နောက်ခံလူ မန်ဒီကို ပြောဆိုခဲ့ကြောင်း ပြင်သစ်ရုပ်သံ Telefoot က ဖော်ပြခဲ့သည်။
ရီးယဲလ်အသင်းသည် ပြီးခဲ့သည့်အင်္ဂါနေ့က ကစားခဲ့သည့် ချန်ပီယံလိဂ်အုပ်စုပွဲစဉ်တွင် မိုချန်ဂလာဘတ်အသင်းကို နောက်မှလိုက်ကစားခဲ့ပြီး ပွဲအပြီးတွင် (၂-၂)ဂိုးဖြင့် သရေကျခဲ့သည်။
ရီးယဲလ်အသင်းသည် အဆိုပါပွဲစဉ်၏ ပထမပိုင်းတွင် မိုချန်ဂလာဘတ်အသင်းကို (၀-၁) ဂိုးဖြင့် ရှုံးနိမ့်နေခဲ့ပြီး အဝတ်လဲခန်းသို့အသွား ဥမင်လိုဏ်ခေါင်းတွင် ဘန်ဇီမာက ပြင်သစ်နောက်ခံလူ ဖာလန်းမန်ဒီအား ဗင်နီစီယပ်စ်ကို ဘောလုံးပေးမကစားရန် ပြောကြားခဲ့ခြင်းဖြစ်ကြောင်း Telefoot က ဖော်ပြခဲ့ခြင်းဖြစ်သည်။
Telefoot မှ ထုတ်လွှင့်သည့် ဗီဒီယိုဖိုင်တွင် ဘန်ဇီမာက ဖာလန်းမန်ဒီ အနားသို့ကပ်ကာ စကားပြောနေသည်ကို မြင် တွေ့ခဲ့ရပြီး ''သူက ကစားချင်သလို ကစားနေတာ။ သူ့ကို ဘောလုံးပေးမကစားနဲ့။ သူက ပြိုင်ဘက်အတွက် ကစားနေတာ''ဟု Telefoot က ဖော်ပြခဲ့သည်။
Marca သတင်းစာ၏ ဖော်ပြမှုအရ ဘန်ဇီမာသည် ဖာလန်းမန်ဒီအား ပြောကြားရာတွင် နာမည်ကို ထုတ်ဖော်ပြောကြားခဲ့ခြင်းမရှိသော်လည်း ဗင်နီစီယပ်စ်ကို ရည်ညွှန်းခဲ့ခြင်းဖြစ်ကြောင်း သိရသည်။
ဖာလန်းမန်ဒီနှင့် ဗင်နီစီယပ်စ်တို့သည် ဘယ်တောင်ပံကစားသူများဖြစ်ပြီး ဒုတိယပိုင်းတွင် ဖာလန်းမန်ဒီသည် ဗင်နီစီယပ်စ်ကို ဘောလုံးပေးပို့မှု (၃)ကြိမ်သာ ရှိခဲ့ကြောင်းလည်း Marca က ဖော်ပြခဲ့သည်။
ဗင်နီစီယပ်စ်သည် မိုချန်ဂလာဘတ်နှင့်ပွဲတွင် ခြေစွမ်းပြနိုင်ခဲ့ခြင်းမရှိဘဲ ပွဲချိန် (၇၀)မိနစ်တွင် ဟာဇက်နှင့် လူစားလဲခံခဲ့ရပြီး ဘန်ဇီမာမှာမူ တစ်ဂိုးသွင်းယူနိုင်ခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
