အမေရိကန်တွင် ကိုရိုနာဗိုင်းရပ်စ်ကြောင့် တစ်ရက်အတွင်း ၂၆၀၀ နီးပါး ထပ်မံသေဆုံးခဲ့ပြီး စံချိန်သစ်တင်ခဲ့ကာ ကမ္ဘာတွင် မည်သည့်နိုင်ငံထက်မဆို နေ့စဉ်သေဆုံးမှုအများဆုံးစံချိန်ဖြစ်ခဲ့ကြောင်း ဂျွန်ဟော့ကင်းတက္ကသိုလ်က ဧပြီ ၁၅ တွင် ပြောကြားခဲ့သည်။
ကိုရိုနာဗိုင်းရပ်စ်ကြောင့် အမေရိကန်တွင် သေဆုံးသူ ၂၈,၃၂၆ ထိ ရှိလာခဲ့ပြီး ကမ္ဘာတွင် ယင်းဗိုင်းရပ်စ်နှင့်သေဆုံးသူ အများဆုံးနိုင်ငံဖြစ်သည်။ ဧပြီ ၁၅ အထိ စစ်ဆေးစမ်းသပ်မှု ၃.၂ သန်းအထိ ဆောင်ရွက်ထားခဲ့သော အမေရိကန်သည် ကိုရိုနာဗိုင်းရပ်စ် ကူးစက်ခံရသူ ၆၀၀,၀၀၀ ကျော် အတည်ပြုတွေ့ရှိထားသည်။
ကမ္ဘာတစ်ဝန်းတွင် ကိုရိုနာဗိုင်းရပ်စ် ကူးစက်ခံရသူ ၂ သန်းကျော် ခဲ့ပြီး သေဆုံးသူ ၁၃၄,၀၀၀ ကျော်ထိ ရှိခဲ့ပြီ ဖြစ်ကြောင်း ဂျွန်ဟော့ကင်းတက္ကသိုလ်က ဆိုထားသည်။
ကိုရိုနာဗိုင်းရပ်စ်ကြောင့် အဆိုးဆုံးအခြေအနေကို ကျော်လွန်ခဲ့ပြီးနောက် အမေရိကန်ပြည်ထောင်စု တစ်ဝန်းတွင် ပြဋ္ဌာန်းထားသော ပိတ်ဆို့ထိန်းချုပ်မှုများကို ရုပ်သိမ်းရန်အတွက် အစီအစဉ်များကို ဧပြီ ၁၆ တွင် ကြေညာမည်ဟု ထရန့်က ပြောကြားခဲ့သည်။
ပိတ်ဆို့ထိန်းချုပ်မှုများကို သတိနှင့်ပြန်ဖွင့်မည့် အစီအစဉ်အား ဂျာမနီက ကြေညာခဲ့ပြီး စီးပွားရေး ပြန်လည်နိုးကြားရန်အတွက် ညင်သာစွာဆောင်ရွက်ခဲ့သော ပထမဆုံးဥရောပနိုင်ငံ ဖြစ်လာခဲ့ပြီး ဥရောပတွင် ဖြည်းဖြည်းချင်း ပြန်လည်ဖြေလျော့လာမှုကို ထင်ဟပ်ပြီး အမေရိကန်က လိုက်ပါဆောင်ရွက်လာခြင်းဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
