Top News

နစကဥက္ကဋ္ဌ၏ရုပ်ပုံကို ဖိနပ်တွင်ကပ်၍ ဆဲဆိုနေသော ဗီဒီယိုဖိုင် Tiktok တွင် တင်ခဲ့သည့် Grade-9  ကျောင်းသားအား ရာဇသတ်ကြီးပုဒ်မ ၅၀၅-က ဖြင့် အမှုဖွင့်အရေးယူ ထားကြောင်း သိရသည်။

Tiktok ပေါ်တွင် ပျံ့နှံ့လာသည့်ကျောင်း သားများ စာသင်ခန်းအတွင်း ရိုက်ကူးထား သည့် နိုင်ငံတော်အကြီးအကဲကို ဆဲဆိုထားသော ဗီဒီယိုဖိုင်နှင့်ပတ်သက်၍ အဆိုပါကျောင်းသားအား အရေးယူထားခြင်း ရှိ မရှိ မေးမြန်းမှု အပေါ် ပြန်လည်ဖြေကြားရာတွင် ပညာရေးဝန်ကြီးဌာနက အထက်ပါအတိုင်း ထည့်သွင်း ဖြေကြားထားခြင်း ဖြစ်သည်။

ရန်ကုန်တိုင်းဒေသကြီး၊ ရွှေပြည်သာမြို့ နယ်၊အမှတ်(၂) အခြေခံပညာအထက်တန်း ကျောင်းမှ Grade – 9 တွင် တက်ရောက်နေ သည့် မောင်ထူးမြတ်အောင်သည် John Tiktok အကောင့် ဖြင့် နိုင်ငံတော်အကြီးအကဲ၏ဓာတ်ပုံအား ဖော့ဖိနပ်အောက်တွင် ကပ်၍ စော်ကားပြောဆိုထားသည့် video အား Tiktok Account   တွင် နိုဝင်ဘာ ၂၆ ရက် မွန်းလွဲ ၃ နာရီ ၃၀ မိနစ်ခန့်က ၎င်းင်းပညာသင် ကြားလျက်ရှိသော ရွှေပြည်သာမြို့နယ်၊ အမှတ်(၂)အခြေခံပညာအထက်တန်းကျောင်း  Grade-9  စာသင်ခန်းမတွင် ရိုက်ကူးခဲ့ခြင်းဖြစ် ကြောင်း ပညာရေးဝန်ကြီးဌာနက ဆိုသည်။

အထက်ပါ video အား ယင်းနေ့ ည ၈ နာရီခန့်တွင် တင်ခဲ့ကြောင်း စစ်ဆေးတွေ့ရှိခဲ့ သဖြင့် လှော်ကားနယ်မြေရဲစခန်း စခန်းမှူးက တရားလိုပြုလုပ်၍ နိုင်ငံတော်အစိုးရကို ဖြစ် စေ၊ နိုင်ငံတော်ငြိမ်ဝပ်ပိပြားရေးကိုဖြစ်စေ၊ ထိခိုက်နိုင်လောက်သော ပြစ်မှုကို နိုင်ငံ့ဝန် ထမ်းပြည်သူအများ ကျူးလွန်လာစေရန်နှင့်အများပြည်သူအား ကြောက်ရွံ့ခြင်း၊ ထိတ်လန့် ခြင်းများဖြစ်ပွားစေရန် ဆောင်ရွက်ခြင်း ကြောင့် ရာဇသတ်ကြီးပုဒ်မ ၅၀၅-က ဖြင့် အမှုဖွင့်အရေးယူနိုင်ရေး ဆောင်ရွက်လျက်ရှိ ကြောင်း ပညာရေးဝန်ကြီးဌာနက ပြောကြား ထားသည်။