တနင်္သာရီတိုင်းဒေသကြီးအစိုးရအဖွဲ့က သတင်းမီဒီယာဥပဒေဖြင့် တရားစွဲဆိုထားသည့် တနင်္သာရီအပတ်စဉ်ဂျာနယ်၏ ‘မဲဆွယ် အပြုံး’သရော်စာနှင့်ပတ်သက်၍အမှုအား ချေဖျက်ပေးရန်လျှောက်ထားမှုကို ပလပ်ကြောင်း ပြည်ထောင်စုတရားလွှတ်တော်ချုပ်က အောက်တိုဘာ ၂၆ ရက်တွင် အမိန့်ချမှတ်ခဲ့ကြောင်း သိရသည်။
တိုင်းဒေသကြီးအစိုးရအဖွဲ့က တနင်္သာရီဂျာနယ်အပေါ် သတင်းမီဒီယာဥပဒေဖြင့်တရားစွဲဆိုထားမှုမှာ သက်သေအထောက်အထားများ ခိုင်လုံမှုမရှိ၍အမှုအား ချေဖျက်ပေးရန် ဂျာနယ်ဘက်မှ ပြည်ထောင်စုတရား လွှတ်တော်ချုပ်ထံသို့ သြဂုတ် ၁၄ ရက်က လျှောက်ထားခဲ့ပြီး အောက်တိုဘာ ၂၆ ရက် က လျှောက်ထားမှုအပေါ်လက်ခံရန် သင့် မသင့် လျှောက်လဲချက်ကို ကြားနာခဲ့ပြီးနောက် ယင်းသို့ အမိန့်ချမှတ်ခဲ့ခြင်းဖြစ်ကြောင်း၊ ထို့ ကြောင့် မူလစစ်ဆေးနေဆဲဖြစ်သည့် ထားဝယ်မြို့နယ်တရားရုံးတွင် ဆက်လက်ရင်ဆိုင်သွားရမည်ဖြစ်ကြောင်း သိရသည်။
‘‘ပြည်ထောင်စုတရားလွှတ်တော်က အမှုချေဖျက်လျှောက်ထားတာကို ပလပ်လိုက်တယ်။ (အမှု) ချေဖျက်ကိစ္စနဲ့ပတ်သက်ပြီး ပြင် ဆင်ပေးဖို့ လျှောက်ထားတာကို ပလပ်လိုက်တော့ မြို့နယ်တရားရုံးမှာပဲ ပုံမှန်အတိုင်း ဆက်စစ်ဆေးမှာပေါ့။ ပြည်ထောင်စုတရားလွှတ်တော်ဆီ လျှောက်ထားတဲ့အချိန်မှာ အတိုင်းအတာတစ်ခုအထိ မျှော်ထားတာပေါ့လေ။ ဒါပေမဲ့ မျှော်လင့်ထားသလို ဖြစ်မလာဘူး။ အားတော့မလျှော့သေးဘူးပေါ့။ ဆက် ပြီးကြိုးစားသွားမယ်’’ဟု တရားစွဲဆိုခြင်းခံရသည့် တနင်္သာရီဂျာနယ် တာဝန်ခံအယ်ဒီတာ ဦးမျိုးအောင်က ပြောကြားသည်။
ပြည်ထောင်စုတရားလွှတ်တော်ချုပ်မှ အမှုအားချေဖျက်ရန် လျှောက်ထားမှုကို ပလပ်လိုက်သောကြောင့် ထားဝယ်မြို့နယ်တရားရုံး၌ အမှုအား စစ်ဆးနေဆဲ အခြေအနေတွင်သာ ရှိနေသေးသောကြောင့် အမှုလမ်းကြောင်းအရ ဆက်သွားရမည်ဖြစ်ပြီး ကြိုးစား ရင်ဆိုင်သွားမည်ဟု ဦးမျိုးအောင်က ပြောကြားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
