တိုက်ကြီးမြို့နယ် သာရဝေါကျေးရွာအနီးရှိ ဧရာဝတီမြစ်လယ်တွင် ၀ါးများဖြင့် ဇက်လှေအသွင်ပြုလုပ်ထားသည့် စက်လှေနှစ်စင်း တွဲတိမ်းမှောက်ခဲ့သဖြင့် အမျိုးသမီးခြောက်ဦး သေဆုံးမှုဖြစ်ပွားခဲ့ကြောင်း မတ် ၁၇ ရက် တွင် ရန်ကုန်တိုင်းဒေသကြီးရဲတပ်ဖွဲ့မှ စုံစမ်းသိရသည်။
မတ် ၁၆ ရက် နံနက် ၇ နာရီခန့်တွင် တိုက်ကြီးမြို့နယ် သာရဝေါကျေးရွာနေ ဦး...(၆၀ နှစ်) သည် ၀ါးများဖြင့် ဇက်လှေအသွင်ပြုလုပ်ထားသည့် စက်လှေနှစ်စင်းတွဲအား သာရဝေါကျေးရွာဘက်မှ မောင်းနှင်လာခဲ့ကြောင်း သိရသည်။
ဦး...(၆၀ နှစ်) မောင်းနှင်သည့် စက်လှေပေါ်တွင် အမျိုးသား ၁၀ ဦးနှင့် အမျိုးသမီး ၁၅ ဦး၊ စုစုပေါင်း ၂၆ ဦး လိုက်ပါလာခဲ့ကြောင်း၊ ယင်းသို့ မောင်းနှင်လာစဉ် သာရဝေါကျေးရွာမှ ပေ ၁၅၀ ခန့်အကွာ ဓါတ်ဆီသောင်၊ မြေနုကျွန်းသို့ မောင်းနှင်လာစဉ် စက်လှေမှာ တိမ်းမှောက်ခဲ့ကြောင်းသိရသည်။
စက်လှေတိမ်းမှောက်ခဲ့သဖြင့် သက်ဆိုင်ရာတာဝန်ရှိသူများက လိုက်လံရှာဖွေရာ အမျိုးသမီးခြောက်ဦးမှာ မြစ်အတွင်း သေဆုံးနေပြီး ကျန်သူများမှာ အသက်ရှင်ခဲ့ကြောင်း သိရသည်။
အဆိုပါဖြစ်စဉ်မှ စက်လှေမောင်းသူ ဦး...(၆၀ နှစ်)အား အဖျောက်နယ်မြေရဲစခန်း မှ (ပ) ၁၈/ ၂၀၁၉၊ ရာဇသတ်ကြီးပုဒ်မ ၃၀၄ (က)/၂၈၀ (ပေါ့လျော့မှုကြောင့် လူသေမှု^/ရေယာဉ်အား အရမ်းဦးစီးသွားလာမှု) တို့ဖြင့် အမှုဖွင့်ထားကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
